Lwaḥi 7:3 - Ṯarifiṯ 2020

³ Inna-asent: "War tḍeyyaƹent ni ȓbarr ni ḏ ȓebḥar ni ḏ ȓcejjur ḥetta ɣa neḍbaƹ ṯanyarṯ n yinni iƹebbḏen Arebbi."

Lwaḥi 7:3 Iomraidhean Croise

Matta 24:22

Maƹlik Siḏi Arebbi war isenqis ca ḏi ȓiyyam nni n tamara-ya iy d ɣa yasen, ataf war inejjem uȓa ḏ ijjen. X ssabab n yinni ixḍar Arebbi, ataf aḏ isenqes ȓiyyam nni iy d ɣa yasen.

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Yuḥanna 3:33

Wenni iqebbȓen chaḏeṯ nnes, ataf itḥaqqeq belli Arebbi ḏ lḥaqiqa ig iǧa.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

Lwaḥi 13:16

Igga bezzez x marra iwḏan s imeqqranen ḏ imezyanen, ḏ twajar ḏ imesƹan, ḏ yinni ɣarsen bab nsen ḏ yinni ɣarsen lḥurriya nsen aḏ ggen ijjen n ṭṭabaƹ x ufus afusi nsen niɣ x ṯenyarṯ nsen.

Lwaḥi 13:17

Uȓa ḏ ijjen war izemmar aḏ iseɣ niɣ aḏ izzenz illa wenni ɣar iǧa ṭṭabaƹ nni, iƹni isem n ȓwaḥc nni niɣ ḏ rraqem n yisem nnes.

Lwaḥi 14:1

Wami xzareɣ, twaȓiɣ Izmar ibedd x uḏrar n Lquds akiḏes miyya u arbeƹa u arbeƹin aȓaf. Yura x ṯenyarṯ nsen isem n Yizmar ḏ yisem n Babas.

Lwaḥi 14:9

Ṯekkar ṯeḏfar-iṯent ijjen n lmalaʼika nneɣni wis ṯȓaṯa ṯeqqar s jjheḏ: "Wenni ɣa isejjḏen i ȓwaḥc ḏ lʼaṣnam nnes, iqbeȓ ƹaweḏ ṭṭabaƹ x ṯenyarṯ nnes niɣ x ufus nnes,

Lwaḥi 19:2

Ȓeḥkam nnes ḏ ȓḥaqq iǧa nican. Iḥaseb lfasda ṯameqqrant ig isefsaḏen ṯamurṯ s lfasad nnes, intaqem zzayes ƹlaḥsab iḏammen n yinni iƹebbḏen Arebbi."

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Lwaḥi 22:4

Aḏ ẓren aɣembub nnes, isem nnes aqaṯ x ṯenyarṯ nsen.

Lwaḥi 6:6

Ṯumma sȓiɣ amecnaw ijjen n ṯmijja ṯusa-d zi jjiheṯ n arbeƹa n lmexluqaṯ nni ṯeqqar: "Kilu n yirḏan iseggwa nhar ufeǧaḥ. Ƹaweḏ ṯȓaṯa n kilu n imendi iseggwa nhar ufeǧaḥ. Walakin zzect ḏ waman uḍiȓ war ṯen tḍeyyaƹ ca."

Lwaḥi 7:1

Menbaƹd i manaya ẓriɣ arbeƹa n lmalaʼikaṯ beddent x arbeƹa n ṯɣemmura n ṯmurṯ, ṭṭfent arriḥ x arbeƹa n jjihaṯ n ṯmurṯ ḥima war itṣuḍ ca x ȓbarr uȓa x ȓebḥar uȓa x ȓcejjur.

Lwaḥi 7:2

Ẓriɣ ijjen n lmalak nneɣni itgaƹƹaḏ-d zi ccarq iysi-d ṭṭabaƹ n Arebbi iddaren, iȓaɣa s yijjen n ṯmijja ṯejheḏ i arbeƹa n lmalaʼikaṯ nni ṯinni umi immuc jjheḏ ḥima aḏ ḍeyyƹent ȓbarr ḏ ȓebḥar.

Lwaḥi 9:4

Nnan-asent war tḍeyyaƹent arbiƹ n ṯmurṯ uȓa ḏ min iǧan ḏ azeyza uȓa ḏ ȓcejjur, ɣir iwḏan nni iy war ɣar iǧi ca ṭṭabaƹ n Arebbi x ṯenyarṯ nsen.