Lwaḥi 7:2 - Ṯarifiṯ 2020

² Ẓriɣ ijjen n lmalak nneɣni itgaƹƹaḏ-d zi ccarq iysi-d ṭṭabaƹ n Arebbi iddaren, iȓaɣa s yijjen n ṯmijja ṯejheḏ i arbeƹa n lmalaʼikaṯ nni ṯinni umi immuc jjheḏ ḥima aḏ ḍeyyƹent ȓbarr ḏ ȓebḥar.

Lwaḥi 7:2 Iomraidhean Croise

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 26:63

Iqqim Ƹisa isqar war ḏas yinni walu. Uca inna-as arrays nni: "Tettareɣ zzayec aḏaneɣ ṯejjaǧeḏ s Arebbi iddaren ḥima aḏaneɣ ṯiniḏ: Ma cek ḏ Lmasiḥ ḏ Mmis n Arebbi?"

Yuḥanna 6:27

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."

Ayṯ-Ufasus 1:13

Ṯumma ismun-ikenniw-d ƹaweḏ ak Lmasiḥ wami ṯṣennṭem i wawaȓ n lḥaqiqa iƹni Lʼinjil iy zi ṯnejmem. Wami ṯumnem iḍbeƹ-ikenniw Arebbi s ṭṭabaƹ nnes iƹni s Arruḥ iqeddsen iy zi ḏaneɣ iwƹeḏ.

Ayṯ-Ufasus 4:30

War sxeyyaqem ca Arruḥ iqeddsen n Arebbi iƹni wenni iy zi ṯetwaḍebƹem i Nhar nni iy ɣa ṯnejjmem.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

Iƹibraniyen 12:22

Walakin kenniw ṯqarrbem-d ɣar Uḏrar n Ṣiyun iƹni ṯandint n Arebbi iddaren ḏ Lquds n ujenna, ḏayes aȓaf n uȓufaṯ n lmalaʼikaṯ.

Lwaḥi 1:3

Ssaƹḏ n wenni iy ɣa iɣaren awaȓen n lwaḥi-ya. Ssaƹḏ n yinni ƹaweḏ iy ɣa iṣennṭen i min yurin ḏi Lkitab-a azzayes ggen array ȓaḥeqqac ȓweqṯ ṯqarreb-d.

Lwaḥi 10:1

Ẓriɣ ijjen n lmalak nneɣni ijheḏ ihwa-d zeg ujenna, inneḍ-as-d useynu. X uzeǧif nnes ijjen n ṯesȓiṯ n unẓar, aɣembub nnes igga am ṯfuct, iḍaren nnes ggin am ipilaren n ṯmessi.

Lwaḥi 10:4

Wami d arrin sebƹa nni n wajjajen, nec xseɣ aḏ ariɣ manayenni walakin sȓiɣ i yijjen n ṯmijja zeg ujenna ṯenna-ayi-d: "Lla, min nnan sebƹa-ya n wajjajen ejj-iṯ ɣarek ḏ ssirr, war ṯ tari ca."

Lwaḥi 16:12

Ṯekkar lmalaʼika wis setta ṯzeǧeƹ ṯimejmarṯ nnes x yiɣzar n Lfurat ameqqran uzɣen waman iy ḏayes, ḥima aḏ itwassewjeḏ ubriḏ i izeǧiḏen n ccarq.

Lwaḥi 5:2

Twaȓiɣ ijjen n lmalak ameqqran iȓaɣa s jjheḏ iqqar: "Wi ɣar iǧa ȓḥaqq aḏ irzem Lkitab-a aḏ ikkes icemmaƹen nnes?"

Lwaḥi 8:3

Yusa-d ijjen n lmalak nneɣni ibedd ɣar ȓmeḏbaḥ, iysi-d ṯimejmarṯ nni itwaṣenƹen s ddheb. Immuc-as aṭṭas n tbaxur ḥima aḏ iqeddem tbaxur nni ak ṯẓaǧiṯ n ȓmuminin ṣṣaliḥin x ȓmeḏbaḥ n ddheb iǧan zzaṯ i lƹarc.

Lwaḥi 9:14

Ṯenna-as ṯmijja nni i lmalaʼika wis setta iy ɣar ṯeǧa zzammar: "Ḍȓeq-d i arbeƹa n lmalaʼikaṯ itwacedden ḏeg yiɣzar n Lfurat ameqqran."

Lwaḥi 9:4

Nnan-asent war tḍeyyaƹent arbiƹ n ṯmurṯ uȓa ḏ min iǧan ḏ azeyza uȓa ḏ ȓcejjur, ɣir iwḏan nni iy war ɣar iǧi ca ṭṭabaƹ n Arebbi x ṯenyarṯ nsen.