Lwaḥi 2:5 - Ṯarifiṯ 2020

⁵ Fekkar mecḥaȓ ṯɣelṭeḏ, tub, egg ȓexḏayem nnec ṯimezwura. Meȓa ṯugiḏ aḏ tubeḏ, aḏ d aseɣ ɣarek aḏ ysiɣ ȓqendiȓ nnec zeg umcan nnes.

Lwaḥi 2:5 Iomraidhean Croise

Matta 5:14

Kenniw ḏ ṯfawṯ n ddunect. Ijjen n ṯendint iy iǧan x uḏrar war ṯzemmar aḏ teqqim ṯnuffar.

Matta 5:15

Iwḏan war sreqqin ca ȓqendiȓ ḥima axas qeȓben aqnuc; Lla, teggen-ṯ x ȓmarfaƹ ḥima aḏasen yuc ṯfawṯ i marra ug iǧan ḏi ṯeddarṯ.

Marqus 12:9

Iwa, min ḏasen ɣa igg bab n umarjeƹ nni uḍiȓ? Aḏ d yas netta s yixef nnes aḏ ineɣ ixemmasen nni marra aḏ ijj amarjeƹ nni uḍiȓ i inneɣni.

Luqa 1:17

Aḏ yuyur zzaṯ i Siḏi Arebbi s yijjen n arruḥ ijheḏ am wenni n nnabi Ilyas. Aḏ ismeṣȓaḥ lwalidin ak ṯarwa nsen. Aḏ yarr yinni iƹeṣṣan ɣar ubriḏ n yinni iǧan nican ḥima aḏ isewjeḏ ccaƹb i Siḏi Arebbi aḏ iȓin wejḏen."

Luqa 20:16

Aḏ d yas netta s yixef nnes aḏ ineɣ ixemmasen nni marra, aḏ ijj amarjeƹ nni uḍiȓ i inneɣni." Wami sȓin i manaya nnan: "Arebbi istar!"

Ayṯ-Galaṭya 5:4

Kenniw iy irezzun ṣṣulḥ s ccariƹa nni ak Arebbi, aqa ṯetwaḥarrmem zi Lmasiḥ ṯbeƹƹḏem x arḍa nnes.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 16:9

Cemḍen yiwḏan s lḥarara ijehḏen. Waxxa amenni qqaren awaȓen war iḥȓin ḏeg yisem n Arebbi wenni ɣar ṯeǧa ssulṭa x lmuṣibaṯ-a. War tuben ca, war ṯ semɣaren ca.

Lwaḥi 2:16

Tub! Meȓa lla, aɣarek d aseɣ ḏeɣya war tƹeṭṭaȓeɣ ca, aḏ ḥarbeɣ iwḏan-a s ssif iy d iteffɣen zeg uqemmum inu.

Lwaḥi 2:19

Nec ssneɣ ȓexḏayem nnec ḏ ȓemḥibbeṯ nnec ḏ lʼiman nnec ḏ ṣṣbar nnec qa ssneɣ ȓexḏayem nnec ṯineggura ktar zi ṯinni ṯimezwura.

Lwaḥi 2:2

Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.

Lwaḥi 3:19

Nec trebbiɣ nehhiɣ marra wenni tḥibbiɣ. Cek lʼiman nnec sejheḏ-iṯ, tub.