Lwaḥi 2:12 - Ṯarifiṯ 2020

¹² Ari-yas i lmalaʼika n jmaƹṯ n ȓmuminin iy iǧan ḏi ṯendint n Barɣamus, ini-yas qa wenni ɣar iǧa ssif iqḍeƹ x ṯnayen n jjihaṯ, iqqar-ac:

Lwaḥi 2:12 Iomraidhean Croise

Lwaḥi 2:16

Tub! Meȓa lla, aɣarek d aseɣ ḏeɣya war tƹeṭṭaȓeɣ ca, aḏ ḥarbeɣ iwḏan-a s ssif iy d iteffɣen zeg uqemmum inu.

Lwaḥi 1:16

Ḏeg ufus nnes afusi ɣares sebƹa n yiṯran. Aqemmum nnes iteffeɣ-d zzayes ijjen n ssif iqḍeƹ x ṯnayen n jjihaṯ. Aɣembub nnes igga am nnur n ṯfuct iy itceƹciƹen aṭṭas.

Iƹibraniyen 4:12

Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.

Lwaḥi 19:21

Ssif nni iy d iffɣen zeg uqemmum n wenni inyin x uyis inɣa marra yinni iqqimen, usin-d yijḍaḍ jjiwnen marra zeg uysum nsen.

Lwaḥi 19:15

Iteffeɣ-d zeg uqemmum nnes ijjen n ssif iqḍeƹ, azzayes yuweṯ ȓegnus. Netta aṯen yarwes s uƹekkaz n ȓeḥḏiḏ, axasen iƹeffes ḏi ṯsirṯ n waman n uḍiȓ iƹni ḏ lƹiqab ameqqran n Arebbi ig izemmaren i kuȓci.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac: