Luqa 9:1 - Ṯarifiṯ 2020

¹ Iȓaɣa-d Ƹisa x ṯenƹac n arrusul yuca-asen ṯizemmar ḏ ssulṭa aḏ ḥekmen x marra jnun u ƹaweḏ ḥima aḏ sgenfan ȓehȓacaṯ.

Luqa 9:1 Iomraidhean Croise

Matta 16:19

Aḏac uceɣ ȓemfataḥ n ȓmulk ujenna. Min ɣa ṯceddeḏ ḏi ṯmurṯ aḏ yiȓi itwacedd ḏeg ujenna. Min ɣa ṯerzmeḏ ḏi ṯmurṯ aḏ yiȓi itwarzem ḏeg ujenna."

Matta 4:24

Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Matta 8:9

Uȓa ḏ nec s yixef inu ɣari yinni xafi iḥekkmen. Ɣari ȓƹaskar x ufus inu ḥekkmeɣ xasen. Aḏ iniɣ i yijjen: Ruḥ, aḏ iraḥ. Aḏ iniɣ i yijjen: Araḥ-d, aḏ d yas. Aḏ iniɣ i uxeddam inu: Egg ṯa, at igg."

Luqa 10:1

Menbaƹd i manaya ixḍar Siḏiṯneɣ ijjen ṯnayen u sebƹin n imeḥḍaren, issekk-iṯen ṯnayen ṯnayen izwaren-as ɣar kuȓ ṯendint ḏ umcan ig igga netta aɣarsen iraḥ.

Luqa 10:19

Aqa ticceɣ-awem jjheḏ iy zi ɣa ṯƹeffsem x ifiɣeran ḏ ṯɣirḏemiwin ḏ marra jjheḏ n ȓaƹḏu, war kenniw itḍarri walu.

Yuḥanna 14:12

Aqa tesȓam ȓḥaqq: Wenni zzayi yumnen, ataf aḏ igg ȓexḏayem iy xeddmeɣ niɣ ktar minzi nec ggureɣ ɣar Baba.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 3:16

Ḏeg yisem n Ƹisa iƹni ḏ lʼiman s yisem nnes, aqa aryaz-a iy twaȓam iy ṯessnem iḏweȓ ijheḏ. S lʼiman nnes ḏi Ƹisa iy zi igenfa qaƹ mammec twaȓam marra kenniw.

Ȓexḏayem 4:30

Sarreḥ fus nnec bac aḏ tesgenfiḏ aḏ tesbeyyneḏ lmuƹjizaṯ ḏ lburhanaṯ ƹlaḥsab isem n Ƹisa axeddam nnec iqeddsen."

Ȓexḏayem 9:34

Inna-as Buṭrus: "A Ƹinyas, qa cek isgenfa-cek Ƹisa Lmasiḥ! Kkar jmeƹ ṯassuṯ nnec." Ȓexddenni ikkar ibedd x iḍaren.