Luqa 8:44 - Ṯarifiṯ 2020

⁴⁴ Ṯeḏfar Ƹisa, ṯḥaḏa-yas ṭṭarf n useȓham nnes ȓexddenni ṯgenfa ḏeg umcan.

Luqa 8:44 Iomraidhean Croise

Matta 20:34

Qqsen-as i Ƹisa iḥaḏa-yasen ṯiṭṭawin nsen. Ḏeg umcan ḏewȓen twaȓan uca ḏfaren-ṯ.

Matta 8:3

Isers xas Ƹisa fus nnes iḥaḏa-ṯ inna-as: "Wah nec xseɣ, cek qa ṯgenfiḏ." Ṣafi ḏeg umcan igenfa umehȓuc nni zi jḏam nnes.

Matta 9:20

Ḏinni ijjen n ṯemɣarṯ ṯenƹac iseggwusa zeg wami iy ṯehȓec, tazzeȓ s iḏammen. Ṯeḏfar Ƹisa, ṯḥaḏa-yas ṭṭarf n useȓham nnes.

Marqus 6:56

Mani ma yuḏef ɣar ibilajen niɣ ɣar ṯneddam niɣ ɣar ȓkampawaṯ, iwḏan srusan imehȓac ḏi ȓeswaq. Tettaren-as aṯen ijj aḏ ḥaḏan ɣir ṭṭarf n warruḍ nnes. Ṣafi marra yinni ṯ iḥaḏan genfan.

Luqa 13:13

Isers xas ifassen nnes ȓexddenni ṯbedd nican ṯebḏa ṯḥemmeḏ Arebbi.

Luqa 7:38

Ṯeqqim ɣar ḏeffar n Ƹisa ɣar iḍaren nnes ṯebḏa ṯetru wḍan-as imeṭṭawen nnes x iḍaren n Ƹisa. Ṯruḥ ṯemseḥ-iṯen s ucewwaf nnes, ṯseǧem-iṯen ṯeḏhen-iṯen s waman n lwarḏ.

Luqa 8:43

Ḏinni jar yiwḏan nni ijjen n ṯemɣarṯ ṯenƹac iseggwusa zeg wami iy ṯehȓec, tazzeȓ s iḏammen. Marra min ɣares ḏ agȓa ṯḍeyyeƹ-iṯ x iḍbiben, war izemmar ḥadd at isgenfa.

Luqa 8:45

Inna Ƹisa: "Wi ḏayi iḥaḏan?" Marra iḏsen nkaren. Inna-as Buṭrus: "A Lmuƹallim, qa marra yiwḏan-a temzaḥamen xac!"

Yuḥanna 5:13

Aryaz nni war issin ca min iƹna wenni iy ṯ isgenfan minzi Ƹisa iweddar ḏi ȓɣaci nni.

Ȓexḏayem 19:12

Iwḏan kessin ȓezyuf ḏ ṯibantiwin tḥaḏan zzaysent Bulus srusan-ṯent x imehȓac. Ȓexddenni ȓehȓacaṯ nni tgenfan, ƹaweḏ teffɣen zzaysen jnun nni iƹeffanen iy ḏaysen.

Ȓexḏayem 5:15

Iwḏan sufuɣen-d imehȓac nsen ɣar znaqi, srusan-ṯen x ṯassuṯ ḏ ijarṯiȓen ḥima axmi ssenni d ɣa iƹḏu Buṭrus, imken aḏ iȓqef ȓebƹaḍ zzaysen s ṯiȓi nnes.