Luqa 8:41 - Ṯarifiṯ 2020

⁴¹ Yusa-d ɣares ijjen n uryaz qqaren-as Yagrus. Netta ḏ arrayes n ṯemziḏa iy iǧan ḏinni. Iwḍa ɣar iḍaren n Ƹisa ibḏa itḥeccam-iṯ aṭṭas ḥima akiḏes iraḥ ɣar ṯeddarṯ nnes

Luqa 8:41 Iomraidhean Croise

Luqa 13:14

Arrayes n ṯemziḏa nni war ḏas iƹjib bu ȓḥaȓ wami Ƹisa isgenfa ṯamɣarṯ nni ḏi nhar n ssebṯ n lƹibada. Ikkar netta inna-asen i yiwḏan: "Arebbi yuca settiyyam n ȓxeḏmeṯ, ḏi settiyyam nni iy d ɣa tasem aḏ tgenfim, war iǧi bu ḏi nhar n lƹibada."

Luqa 17:16

Isejjeḏ-as i Ƹisa ɣar iḍaren nnes ibḏa itcekkar-iṯ. Netta aryaz nni zi Samarya.

Luqa 5:8

Simƹan Buṭrus wami iẓra manaya yusa-d iwḍa ɣar iḍaren n Ƹisa inna-as: "A Siḏi, beƹƹeḏ xafi nec ḏ lƹaṣi."

Luqa 8:42

minzi ɣares ɣir ijjen n ṯḥenjirṯ waha ƹȓayen aḏ tegg ṯenƹac iseggwusa, tmetta. Ikkar Ƹisa iruḥ, temzaḥamen xas ȓɣaci.

Luqa 8:49

Wami ƹaḏ issawaȓ, yusa-d ijjen zi ṯeddarṯ n arrayes nni n ṯemziḏa inna-as: "Yeǧic cek ṯemmuṯ. War tƹeddab ca ȓexxu lmuƹallim."

Yuḥanna 11:21

Ṯenna-as Marṯa i Ƹisa: "A Siḏi, maƹlik aqac ḏanita iȓi war immuṯ ca uma.

Ȓexḏayem 13:15

Menbaƹd i ṯɣuri zi Lkutub n Ccariƹa n Musa ḏ lʼanbiya, ssekken arruyas n ṯemziḏa awaȓ nsen i Barnaba ḏ Cawul nnan-asen: "Ay ayṯma, meȓa ɣarwem can wawaȓ iy zi ɣa ṯcejjƹem ccaƹb-a, inim-asen-ṯ."

Ȓexḏayem 18:17

Kkaren marra iḏsen ṭṭfen Sastin ȓefqi n ṯemziḏa n Ayṯ-Israʼil uwṯin-ṯ zzaṯ i lmaḥkama. Galyun netta war ṯ icqi ca manayenni qaƹ.

Ȓexḏayem 18:8

Ȓefqih n ṯemziḏa nni qqaren-as Krispus, yumen s Siḏiṯneɣ netta ḏ marra ȓeḥbab nnes. Xarebbi n yiwḏan zi ṯendint n Kurinṯ wami sȓin i wawaȓ n Bulus, umnen twaṭehharen s waman.

Ȓexḏayem 9:38

Sȓin imeḥḍaren ḏi ṯendint n Yafa belli Buṭrus aqaṯ ḏeg ubilaj n Ludda. Ludda ṯuḏes-d i Yafa, ssekken ɣares ṯnayen n yiwḏan ḥecmen-ṯ nnan-as: "Ƹafek arwaḥ akiḏneɣ ḏeɣya!"

Lwaḥi 5:8

Wami iysi Lkitab-a, lmexluqaṯ nni s arbeƹa ḏ arbeƹa u ƹicrin n imɣaren nni sejjḏen-as i Yizmar. Mkuȓ ijjen zzaysen ɣares ṯgambrit ɣares ṯimejmarin ggin-ṯent s ddheb ƹemmarent s tbaxur, iƹni ḏ ṯẓaǧiṯ n ȓmuminin ṣṣaliḥin.