Luqa 8:15 - Ṯarifiṯ 2020

¹⁵ Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Luqa 8:15 Iomraidhean Croise

Matta 24:13

Walakin wenni ɣa iṣbaren ɣar uneggaru ataf aḏ injem.

Luqa 11:28

Walakin netta inna: "Lla, ssaƹḏ n yinni itsȓan i wawaȓ n Arebbi, tṭaƹan-as."

Luqa 6:45

Bnaḏem aṣebḥan isufuɣ-d min iǧan ḏ aṣebḥan zi ȓkenz aṣebḥan n wuȓ nnes. Bnaḏem aƹeffan isufuɣ-d min iǧan ḏ aƹeffan zi ȓkenz aƹeffan n wuȓ nnes. Ȓaḥeqqac aqemmum n bnaḏem issawaȓ min iǧan ḏeg wuȓ nnes.

Luqa 8:14

Zzarriƹeṯ nni ig iwḍan jar isennanen nettaṯ am yiwḏan iy tesȓan i wawaȓ n Arebbi, walakin ḏeɣya temjeyyafen s umnus ḏ wagȓa ḏ ccehawaṯ n ddunect-a war neffƹen ca.

Luqa 8:16

Uȓa ḏ ijjen war itcaƹƹiȓ ȓqendiȓ ḥima axas iqȓeb aqnuc niɣ aṯ igg swadday i qama. Lla, itegg-iṯ x ȓmarfaƹ ḥima aḏasen yuc ṯfawṯ i yinni iy d ɣa yaḏfen.

Yuḥanna 14:15

Meȓa tḥibbim-ayi kenniw, ggeṯ zi ȓuṣiyaṯ inu.

Yuḥanna 15:10

Meȓa ṯxeddmem zi ȓuṣiyaṯ inu, ataf aḏ tiȓim ḏi ȓemḥibbeṯ inu amecnaw mamc ggiɣ nec zi ȓuṣiyaṯ n Baba aqayi ḏi ȓemḥibbeṯ nnes.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

Ayṯ-Ruma 7:18

Nec ṭṭabiƹa ṯaƹeffant inu ssneɣ war ḏayes ṯezḏiɣ uȓa ḏ ijjen n ṯmesȓayṯ ḏ ṯaṣebḥant. Liʼanna rezzuɣ aḏ ggeɣ ṯimesȓayin ṯiṣebḥanin, walakin war zemmareɣ aṯent ggeɣ.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

Ayṯ-Ruma 8:25

Lla, walakin meȓa ƹaḏ war ṯ nufi ca ataf aṯ nraja s ṣṣbar.

1 Ayṯ-Kurinṯ 7:19

Meȓa itṭehhar niɣ war itṭehhir ca, manayenni itwaḥsab ḏ walu. Meȓa itegg s ȓuṣiyaṯ n Arebbi ḏ manayenni ig itwaḥsaben.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Iƹibraniyen 2:1

X manaya labud a d narr ȓbaȓ nneɣ i min netsȓa bac war nteffeɣ ca abriḏ.

Yaƹqub 1:4

U labud ṣṣbar-a aḏaywem ikemmeȓ ccɣeȓ nnes ḥima aḏ temɣarem aḏ tƹemmarem s lʼiman war ḏawem ṯneqqiṣ uȓa ḏ ijjen n ȓhajeṯ.

1 Yuḥanna 2:3

Mammec ɣa negg neccin a nefhem belli nessen-iṯ? Qa ṯ nessen meȓa netṭaƹa-asent i ȓuṣiyaṯ nnes.