Luqa 7:40 - Ṯarifiṯ 2020

⁴⁰ Indeq-d Ƹisa inna-as: "A Simƹan, ɣari ij n ȓḥajeṯ aḏac t iniɣ." Inna-as Simƹan: "Siweȓ a Lmuƹallim."

Luqa 7:40 Iomraidhean Croise

Matta 26:49

Ȓexddenni iqarreb Yahuḏa ɣar Ƹisa inna-as: "Ssalam a Siḏi." Uca iseǧem xas.

Matta 7:22

Ḏi Yum Lḥisab ḏ Lƹiqab aṭṭas iy ḏayi ɣa inin: A Siḏi a Siḏi, yak s lḥikma n yisem nnec iy zi tuɣa nseȓmaḏ i yiwḏan? Yak s lḥikma n yisem nnec iy zi tuɣa nsufuɣ jnun? Yak s lḥikma n yisem nnec iy zi tuɣa ntegg ȓaƹjayeb?

Luqa 18:18

Isseqsa-ṯ ijjen zi lḥukkam n Ayṯ-Israʼil inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Luqa 5:22

Ƹisa issen min nwan inna-asen: "Mayemmi tfekkarem ammu kenniw ḏi ȓaƹquȓaṯ nwem?

Luqa 5:31

Yarra xasen Ƹisa inna-asen: "Iwḏan iṣeḥḥan war teḥḏijin bu uḍbib, aḍbib teḥḏajan-ṯ imehȓac."

Luqa 6:8

Ƹisa issen min ɣarsen ḏi ȓaƹquȓaṯ nsen, inna-as i uryaz nni iy ɣar iǧa fus immuṯ: "Kkar bedd ḏi ȓwesṭ." Aryaz nni ikkar ibedd ḏinni.

Luqa 7:39

Afarrisi nni iy ṯ iƹarḍen wami iẓra manaya inna ḏi nnefs nnes: Wanita maƹlik ḏ nnabi ataf aḏ issen min ṯeƹna ṯemɣarṯ-a iy ṯ itḥaḏan, nettaṯ ṯeƹṣa Arebbi.

Luqa 7:41

"Ḏinni ijjen n ssiyyed irḍeȓ tmenyaṯ i ṯnayen n yiwḏan. Ijjen irḍeȓ-as xemsmiyya dinar, ijjen irḍeȓ-as xemsin dinar.

Yuḥanna 13:13

Kenniw ṯeqqarem-ayi a Lmuƹallim niɣ a Siḏi, kenniw ɣarwem ȓḥaqq minzi nican qa ḏ nec.

Yuḥanna 16:19

Issen Ƹisa qa rezzun aṯ sseqsan, uca inna-asen: "Mayemmi tseqsam ayawya x wawaȓ iy ḏawem nniɣ: ?

Yuḥanna 16:30

Ȓexxu neccin netwaȓa belli ṯessneḏ kuȓci war ṯeḥḏijeḏ wi c ɣa isseqsan. S manaya numen belli ṯusiḏ-d zi Arebbi."

Yuḥanna 3:2

Yusa-d ɣar Ƹisa s ǧiȓeṯ inna-as: "A Lmuƹallim, neccin nessen belli cek ḏ amseȓmaḏ iy d yusin zi Arebbi. War izemmar uȓa ḏ ijjen aḏ igg can lmuƹjizaṯ zi min teggeḏ cek illa meȓa kiḏes Arebbi."