Luqa 6:47 - Ṯarifiṯ 2020

⁴⁷ Marra wenni ɣari d itasen itesȓa i wawaȓ inu ixeddem zzayes ataf aḏawem iniɣ mindi itcabbah.

Luqa 6:47 Iomraidhean Croise

Matta 12:50

Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

Matta 17:5

Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."

Luqa 11:28

Walakin netta inna: "Lla, ssaƹḏ n yinni itsȓan i wawaȓ n Arebbi, tṭaƹan-as."

Luqa 14:26

"Wenni ɣari d itasen nec, meȓa iƹizz xas babas ktar zzayi nec niɣ ḏ yemmas niɣ ḏ ṯemɣarṯ nnes niɣ ḏ ṯarwa nnes niɣ ḏ ayṯmas niɣ ḏ swiṯmas niɣ ḏ ixef nnes, ataf war izemmar aḏ yiȓi ḏ ameḥḍar inu.

Luqa 6:48

Itcabbah ḏeg yijjen n uryaz ig ibennan ṯaddarṯ nnes, iɣza aṭṭas igga dsas x uzru. Wami d iḥmeȓ iɣzar iƹḏu x ṯeddarṯ nni, war izemmar at isenhezz minzi ṯebna mliḥ.

Luqa 8:13

Zzarriƹeṯ nni ig iwḍan jar yizra nettaṯ am yiwḏan iy tesȓan i wawaȓ n Arebbi, qebȓen-ṯ s ȓefraḥeṯ. Wami war uwṯin bu iẓewran mliḥ ḏeɣya tneqȓaƹen. Tamnen zzayes ɣir ḏeg yijjen n ȓweqṯ waha, ḏi ȓweqṯ n ȓemḥayen ḏeɣya teffɣen abriḏ.

Luqa 8:8

Can zzarriƹeṯ ṯewḍa x ṯmurṯ ṯaṣebḥant. Ṯuȓi-d ṯemɣar ṯegga ṯiyḏerin, kuȓ icten ṯurew miyya." Wami ikemmeȓ wawaȓ-a inna s jjheḏ: "Ṣenneṭ mliḥ a wenni itsȓan."

Yuḥanna 10:27

Iḥuȓiyen inu tesȓan ɣar ṣṣut inu, ssneɣ-ṯen niṯni ḏeffaren-ayi.

Yuḥanna 13:17

Ȓexxu ṯessnem manaya, ssaƹḏ nwem meȓa ṯeggim min ḏawem nniɣ.

Yuḥanna 14:15

Meȓa tḥibbim-ayi kenniw, ggeṯ zi ȓuṣiyaṯ inu.

Yuḥanna 5:40

Waxxa amenni kenniw war ṯxisem ca aɣari d tasem ḥima aɣarwem ṯiȓi ṯuḏarṯ.

Yuḥanna 6:35

Inna-asen Ƹisa: "Nec ḏ aɣrum n ṯuḏarṯ. Wenni iy ɣari d ɣa yasen war itȓizi ƹemmarṣ. Wenni zzayi ɣa yamnen war itfiḏi ƹemmarṣ.

Yuḥanna 6:37

Marra min ḏayi d iticc Baba itas-d ɣari. Wenni iy d itasen ɣari war ṯ siggwijeɣ ca.

Yuḥanna 8:52

Nnan-as israʼiliyen: "Ȓexxu nessen belli cek ḏayek jnun. Siḏna Brahim ḏ lʼanbiya marra mmuṯen. Cek ṯeqqareḏ meȓa can yijjen aḏ igg array i wawaȓ inu ƹemmarṣ aḏ iqqas ȓmewṯ.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Yaƹqub 4:17

Wenni itwaȓen can n ȓxir aṯ igg, meȓa war ṯ iggi ca itwaḥsab-as ḏ ȓmuƹṣiyeṯ.

1 Buṭrus 2:4

Xmi ɣares d ṯqarrabem ɣar netta iy iǧan ḏ azru nni iddaren ƹiffen-ṯ iryazen walakin Arebbi ixḍar-iṯ iƹizz xas,

2 Buṭrus 1:10

Iḏen ay ayṯma, ggeṯ lmejhud nwem ktar ƹaḏ bac aḏ tḍemnem aȓaɣi nnes ɣarwem belli netta ixḍar-ikenniw. Meȓa ṯeggim ṯimesȓayin-a, ataf ƹemmarṣ aḏ d tewḍam.

1 Yuḥanna 2:29

Xmi ɣa ṯessnem belli netta nican ig iǧa, ataf aḏaywem ṯiȓi ttiqeṯ belli bnaḏem ig isxeddamen min iǧan nican netta ixȓeq-d zzayes.

1 Yuḥanna 3:7

A iḥenjiren, war tejjam ḥadd akenniw ixḏeƹ. Wenni ig iqqimen isxeddam min iǧan nican qa netta aqaṯ nican mammec ig iǧa Siḏiṯneɣ.

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.