Luqa 5:30 - Ṯarifiṯ 2020

³⁰ Ceṯcan zzayes ȓḥizeb n ifarrisiyen ḏ imseȓmaḏen n ccariƹa nnan-asen i imeḥḍaren nnes: "Mayemmi tettem ṯsessem ak iƹeccaren ḏ yinni iƹeṣṣan?"

Luqa 5:30 Iomraidhean Croise

Matta 5:46

Meȓa kenniw texsem ɣir yinni iy kenniw itexsen, man lʼajar iy ɣarwem kenniw? Ma war iǧi amenni iy teggen uȓa ḏ iƹeccaren?

Matta 9:11

Wami ẓrin ȓḥizeb n ifarrisiyen manayenni kkaren nnan-asen i imeḥḍaren nnes: "Mayemmi itett lmuƹallim nwem ak iƹeccaren ḏ yinni iƹeṣṣan?"

Marqus 2:16

Can imseȓmaḏen n ccariƹa zi ȓḥizeb n ifarrisiyen ufin Ƹisa itett ak iƹeccaren ḏ yinni iƹeṣṣan zaƹma, nnan i imeḥḍaren nnes: "Mayemmi itett netta ak iƹeccaren ḏ yinni iƹeṣṣan?"

Marqus 7:3

Ȓaḥeqqac ifarrisiyen ḏ marra Ayṯ-Israʼil meȓa war sirḏen ca ifassen nsen war tetten ca, minzi ṭṭfen aṭṭas ḏi lƹadaṯ n ȓejḏuḏ nsen.

Marqus 9:16

Inna-asen Ƹisa: "Minxef tmenɣam?"

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Luqa 19:7

Iwḏan marra ẓrin manaya bḏan tgemgumen nnan qa yuḏef Ƹisa aḏ iqqim ḏi ṯeddarṯ n yijjen n uryaz ḏ lƹaṣi!

Luqa 5:17

Ijjen n nhar tuɣa Ƹisa iseȓmaḏ iwḏan. Qqimen ḏinni jarasen ȓebƹaḍ zi ȓḥizeb n ifarrisiyen ḏ imseȓmaḏen n ccariƹa, usin-d zi marra ȓedcuraṯ n Ljalil ḏ Yahuḏiya ḏ Lquds. Jjheḏ n Siḏi Arebbi aqaṯ ak Ƹisa bac aḏ isgenfa imehȓac.

Luqa 5:21

Bḏan imseȓmaḏen n ccariƹa ḏ ȓḥizeb n ifarrisiyen tfekkaren nnan ḏeg wuȓawen nsen: "Min iƹna wanita itarra ixef nnes ḏ Arebbi? Ȓmuƹṣiyaṯ war ṯent iɣfar ca illa Arebbi waḥḏes!"

Luqa 7:34

Yusa-d Mmis n bnaḏem itett isess war itẓummi ca. Kenniw ṯennim aqa bnaḏem-a itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan.

Luqa 7:39

Afarrisi nni iy ṯ iƹarḍen wami iẓra manaya inna ḏi nnefs nnes: Wanita maƹlik ḏ nnabi ataf aḏ issen min ṯeƹna ṯemɣarṯ-a iy ṯ itḥaḏan, nettaṯ ṯeƹṣa Arebbi.

Ȓexḏayem 23:9

Iwqeƹ ijjen n ssdaƹ imɣar, kkaren ȓebƹaḍ zeg imseȓmaḏen n ccariƹa niṯni ḏ ifarrisiyen temnaqaren s jjheḏ qqaren: "Neccin war ḏas ntif bu can lɣaleṭ ḏi bnaḏem-a, imken issiweȓ akiḏes can n jjenn niɣ ḏ can n lmalaʼika."