Luqa 5:17 - Ṯarifiṯ 2020

¹⁷ Ijjen n nhar tuɣa Ƹisa iseȓmaḏ iwḏan. Qqimen ḏinni jarasen ȓebƹaḍ zi ȓḥizeb n ifarrisiyen ḏ imseȓmaḏen n ccariƹa, usin-d zi marra ȓedcuraṯ n Ljalil ḏ Yahuḏiya ḏ Lquds. Jjheḏ n Siḏi Arebbi aqaṯ ak Ƹisa bac aḏ isgenfa imehȓac.

Luqa 5:17 Iomraidhean Croise

Matta 11:5

iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.

Matta 15:1

Ssenni usin-d ȓḥizeb n ifarrisiyen ḏ imseȓmaḏen n ccariƹa ɣar Ƹisa zi ṯendint n Lquds nnan-as:

Marqus 1:45

Walakin netta min igga? Iruḥ ibḏa issawaȓ aṭṭas, isufeɣ ȓexbar aȓ wami iḏweȓ Ƹisa war izemmar aḏ yaḏef ɣar ca n ubilaj bȓa ma aḏ isnuffar ixef nnes. Tuɣa labud itɣima ḏeg imucan ixwan, walakin waxxa amenni iwḏan tasen-d ɣares ḏinni zi marra imucan.

Marqus 16:18

aḏ ysin ifiɣeran s ifassen nsen. Meȓa swin min ineqqen, ataf war ṯen iḍarri ca. Aḏ sersen ifassen nsen x imehȓac aḏ genfan."

Marqus 3:22

Imseȓmaḏen n ccariƹa iy d yusin zi Lquds nnan: "Ḏayes Bƹalzabul arrayes n jnun. Isufuɣ jnun minzi Bƹalzabul yuca-yas jjheḏ-a."

Marqus 5:30

Ƹisa isḥess ḏi nnefs nnes belli ijjen n jjheḏ nnes iffeɣ, ineqȓeb ɣar ȓɣaci nni inna-asen: "Wi ḏayi iḥaḏan arruḍ inu?"

Marqus 7:1

Ȓḥizeb n ifarrisiyen ḏ can imseȓmaḏen n ccariƹa zi Lquds munen-d x Ƹisa.

Luqa 15:2

Ȓḥizeb n ifarrisiyen ḏ imseȓmaḏen n ccariƹa ssawaȓen ḏi Ƹisa nnan: "Aryaz-a itreḥḥab zeg yinni iƹeṣṣan itett akiḏsen!"

Luqa 2:46

Kkin ṯeȓtiyyam uca ufin-ṯ iqqim ḏi ṯemzida ṯameqqrant jar yinni iseȓmaḏen, itsȓa-yasen itseqsa-ṯen.

Luqa 5:21

Bḏan imseȓmaḏen n ccariƹa ḏ ȓḥizeb n ifarrisiyen tfekkaren nnan ḏeg wuȓawen nsen: "Min iƹna wanita itarra ixef nnes ḏ Arebbi? Ȓmuƹṣiyaṯ war ṯent iɣfar ca illa Arebbi waḥḏes!"

Luqa 5:30

Ceṯcan zzayes ȓḥizeb n ifarrisiyen ḏ imseȓmaḏen n ccariƹa nnan-asen i imeḥḍaren nnes: "Mayemmi tettem ṯsessem ak iƹeccaren ḏ yinni iƹeṣṣan?"

Luqa 6:19

Xsen marra ȓɣaci nni aṯ ḥaḏan minzi ijjen n jjheḏ iteffeɣ-d zzayes, isgenfa-ṯen marra iḏsen.

Luqa 7:30

Walakin ȓḥizeb n ifarrisiyen ḏ yinni itcerraḥen ccariƹa war xisen ca min ixes Arebbi, ugin aṯen iṭehhar Yaḥya s waman.

Luqa 8:46

Inna Ƹisa: "Lla, sḥisseɣ can yijjen iḥaḏa-ayi minzi ssneɣ jjheḏ iffeɣ zzayi."

Yuḥanna 3:10

Yarra xas Ƹisa inna-as: "Iwa ṯseȓmaḏeḏ cek Ayṯ-Israʼil war ṯfehhimeḏ ca manaya?

Yuḥanna 3:21

Wenni ixeddmen nican aḏ d yas ɣar nnur. Ammu aḏ d iban belli ȓexḏayem nnes itegg-iṯent i Arebbi.

Ȓexḏayem 19:11

Arebbi itegg lmuƹjizaṯ ḏ ṯimeqqranin x ufus n Bulus.

Ȓexḏayem 4:30

Sarreḥ fus nnec bac aḏ tesgenfiḏ aḏ tesbeyyneḏ lmuƹjizaṯ ḏ lburhanaṯ ƹlaḥsab isem n Ƹisa axeddam nnec iqeddsen."

Ȓexḏayem 5:34

Ikkar-d ijjen n ufarrisi, netta ḏ amseȓmaḏ n ccariƹa qqaren-as Gamlil iteḥtaram-iṯ ccaƹb marra. Ibedd ḏi ȓwesṭ n Jmaƹeṯ n lḥukkam n Ayṯ-Israʼil, ittar-asen aḏ sufɣen arrusul cwayt n ȓweqṯ ɣar barra.