Luqa 4:25 - Ṯarifiṯ 2020

²⁵ Aqa tesȓam ȓḥaqq: Tuɣa ḏinni aṭṭas n ṯajjaȓin ḏi ṯmurṯ n Ayṯ-Israʼil ḏi zman n nnabi Ilyas wami war yuwṯi bu unẓar ṯeȓt snin u sett chur wami iwqeƹ ijjen n buheyyuf ḏi ṯmurṯ ṯekmaȓ.

Luqa 4:25 Iomraidhean Croise

Matta 20:15

Ma war ɣari ȓḥaqq aḏ ggeɣ min xseɣ zi ṯmesȓayin inu? Niɣ ṯḥesḏeḏ-ayi wami ǧiɣ ṣaxiy?

Luqa 10:21

Ȓexddenni ifareḥ Ƹisa s Arruḥ iqeddsen inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen. Wah a Baba, ȓaḥeqqac ammu iy xak yarḍa.

Ayṯ-Ruma 9:15

Qa Arebbi inna-as i Musa:

Ayṯ-Ruma 9:20

Cuf a bnaḏem, min ṯeƹniḏ cek bac ṯzemmareḏ aḏ tarreḏ awaȓ x Arebbi? Ma zemmaren aḏ inin iɣerrafen i wenni iy ṯen iṣenƹen, Mayemmi ḏaneɣ ṯeggiḏ ammu?

Ayṯ-Ufasus 1:11

Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Yaƹqub 5:17

Tuɣa nnabi Ilyas netta ḏ bnaḏem am neccin, itẓaǧa aṭṭas ḥima war icciṯ bu unẓar. Ikka ṯeȓt snin ḏ uzyen war yuwṯi bu unẓar x ṯmurṯ.

Lwaḥi 11:6

Ḏi ȓiyamaṯ nni iy ḏi ɣa xbaren ȓechuḏ-a s min ƹeȓmen zi Arebbi ataf aɣarsen ṯiȓi ssulṭa zi ɣa bellƹen ajenna war d icciṯ bu unẓar qaƹ. Ataf ƹaweḏ aɣarsen ṯiȓi ssulṭa aḏ arren aman ḏ iḏammen aḏ ḍeȓqen i marra lmuṣibaṯ x ṯmurṯ meȓmi ma xsen.