Luqa 22:52 - Ṯarifiṯ 2020

⁵² Inna-asen Ƹisa i arruyas n ȓfuqaha ḏ imeqqranen n iƹessasen n ṯemziḏa ṯameqqrant ḏ imeqqranen n Ayṯ-Israʼil iy ɣares d yusin: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ?

Luqa 22:52 Iomraidhean Croise

Matta 26:47

Yallah Ƹisa issawaȓ yuweḍ-d Yahuḏa, ijjen zi ṯenƹac nni n arrusul nnes. Yuwi-d akiḏes ȓɣaci aṭṭas ysin ȓesyuf ḏ idebbuzen. Ssekken-ṯen-d arruyas n ȓfuqaha ḏ imeqqranen n Ayṯ-Israʼil.

Matta 26:55

Ȓexddenni inna-asen Ƹisa i yiwḏan nni: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ? Tuɣa tɣimiɣ mkuȓ nhar ḏi ṯemzida ṯameqqrant, seȓmaḏeɣ ḏinni war ḏayi ṯeṭṭifem ca.

Luqa 22:37

Aḏawem iniɣ: U labud aḏayi iwqeƹ min yurin ḏi Lkitab ƹlaḥsab mamc iqqar: <Ḥesben-ṯ ak lmujrimin.> Iwa min xafi yurin ṣafi aḏ iwqeƹ."

Luqa 22:4

Ikkar iruḥ aḏ itafeq ak arruyas n ȓfuqaha ḏ imeqqranen n iƹessasen n ṯemziḏa ṯameqqrant n Ayṯ-Israʼil x mamc ɣa igg aḏasen izzenz Ƹisa.

Luqa 22:51

Inna-asen Ƹisa: "Ṣafi, beddeṯ!" Iḥaḏa amezzuɣ n uryaz nni isgenfa-ṯ.

Luqa 22:53

Tuɣa tɣimiɣ akiḏwem mkuȓ nhar ḏi ṯemzida ṯameqqrant war ḏayi ṯeṭṭifem ca. Walakin ȓexxu ḏ ṯsaƹƹat nwem ḏ jjheḏ n ṯaǧest."

Yuḥanna 17:12

Wami kiḏsen ǧiɣ, ḥefḍeɣ xasen s yisem nnec iy ḏayi ṯuciḏ. Ḥḍiɣ-ṯen, uȓa ḏ ijjen ma iweddar ɣir wenni tuɣa iweddaren ḥima aḏ ikemmeȓ min iqqar Lkitab.

Ȓexḏayem 5:26

Ȓexddenni iruḥ umeqqran nni n iƹessasen ak imxazniyen nnes uwin-d arrusul bȓa lƹunf minzi ggwḏen zi ccaƹb aṯen rejmen s uzru.