Luqa 22:41 - Ṯarifiṯ 2020

⁴¹ Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi.

Luqa 22:41 Iomraidhean Croise

Matta 26:39

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi inna: "A Baba, meȓa mumkin sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Marqus 14:35

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi irezzu axas twakkes ṯsaƹƹat nni.

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Luqa 18:13

Walakin wenni ijemmƹen ḍḍariba ibedd ɣar ȓeggwaj. War izƹim ḥetta aḏ iysi ṯiṭṭawin nnes ɣar ujenna, iccaṯ ḏeg wuȓ nnes inna: Ya Arebbi, rḥem-ayi nec ḏ lƹaṣi!

Ȓexḏayem 20:36

Wami inna Bulus ṯimesȓayin-a, irkeƹ x ifadden ḏ yinni marra netta iẓẓuǧ.

Ȓexḏayem 21:5

Wami ḏaneɣ ṯeqḍa ḏinni ȓweqṯ nneɣ nekkar neffeɣ bac a nsiɣi x usafar nneɣ. Marra imeḥḍaren ruḥen akiḏneɣ ɣar barra n ṯendint s ṯemɣarin nsen ḏ ṯarwa nsen, nerkeƹ x ifadden nneɣ x yijḏi n ȓebḥar neẓẓuǧ.

Ȓexḏayem 7:60

Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.

Ȓexḏayem 9:40

Ssenni isufeɣ-iṯen Buṭrus marra zi ṯɣurfat, iwḍa x ifadden ibḏa itẓaǧa. Ixzar ɣar ddat nnes inna-as: "Ya Ṭabita, kkar!" Uca nettaṯ ṯerzem ṯiṭṭawin nnes, wami ṯeẓra Buṭrus ṯekkar ṯeqqim.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.