Luqa 22:32 - Ṯarifiṯ 2020

³² Tettareɣ akiḏec ɣar Siḏi Arebbi ḥima lʼiman nnec war ineqqeṣ ca. Xmi ɣari d ɣa ṯḏewȓeḏ, cejjeƹ ayṯmac."

Luqa 22:32 Iomraidhean Croise

Matta 18:3

Inna-asen: "Aqa tesȓam ȓḥaqq: Labud i kenniw aḏ tḏewȓem aḏ tiȓim amecnaw iḥenjiren imezyanen. Meȓa lla, ataf ƹemmarṣ aḏ taḏfem ḏi ȓmulk ujenna.

Matta 26:75

Ḏinni ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin." Iffeɣ ɣar barra iru imeṭṭawen ḏ imeǧaḥen aṭṭas.

Marqus 14:72

Ȓexddenni idden uyaziḍ ṯwaȓa wis ṯnayen, ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ marrṯayen aḏayi ṯenkareḏ ṯȓaṯa n ṯwaȓaṯin. Wami ifekkar ḏi manayenni iru imeṭṭawen ḏ imeǧaḥen aṭṭas.

Marqus 16:7

Ruḥent kennint ȓexxu ɣar imeḥḍaren nnes ḏ Buṭrus inint-asen aqa Ƹisa iruḥ aḏawem izwar ɣar ṯmurṯ n Ljalil akenniw iraja ḏinni. Aṯ tafem ḏinni mammec ɣarwem d iweṣṣa zi qbeȓ."

Luqa 8:13

Zzarriƹeṯ nni ig iwḍan jar yizra nettaṯ am yiwḏan iy tesȓan i wawaȓ n Arebbi, qebȓen-ṯ s ȓefraḥeṯ. Wami war uwṯin bu iẓewran mliḥ ḏeɣya tneqȓaƹen. Tamnen zzayes ɣir ḏeg yijjen n ȓweqṯ waha, ḏi ȓweqṯ n ȓemḥayen ḏeɣya teffɣen abriḏ.

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ayṯ-Ruma 8:32

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

2 Timutawus 2:18

Niṯni ffɣen abriḏ n lḥaqiqa qqaren qa ṣafi Yum Lqiyama iwqeƹ, tḍeyyaƹen lʼiman n ȓebƹaḍ n yiwḏan.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

1 Buṭrus 1:1

Nec ḏ Buṭrus ḏ arrasul n Ƹisa Lmasiḥ. Tsekkiɣ-d ṯabrat-a i yinni ig ixḍar Arebbi iy iǧan ḏ iƹezzaben itemzeǧaƹen ḏi lʼiqlim n Punṭus ḏ lʼiqlim n Galaṭya ḏ lʼiqlim n Kafadusya ḏ lʼiqlim n Asya ḏ lʼiqlim n Biṯanya.

1 Buṭrus 1:13

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

1 Buṭrus 1:5

Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.