Luqa 22:2 - Ṯarifiṯ 2020

² Arruyas n ȓfuqaha ḏ imseȓmaḏen n ccariƹa rezzun mammec ḏas ɣa ggen ḥima aḏ nɣen Ƹisa walakin ggwḏen zi ccaƹb.

Luqa 22:2 Iomraidhean Croise

Matta 12:14

Ffɣen yiwḏan n ȓḥizeb n ifarrisiyen ciṭṭnen jarasen mammec ɣa ggen aḏ nɣen Ƹisa.

Matta 21:38

Wami ufin ixemmasen nni mmis yusa-d, nnan i wayawya: Aṯ nneɣ bac aḏas nawi amarjeƹ-a n uḍiȓ!

Matta 26:2

"Ṯessnem belli Ȓƹiḏ Ameqqran n Ayṯ-Israʼil iqqim-as yuwmayen. Ḏayes iy ɣa itwasellem Mmis n bnaḏem aḏ itwaṣelleb."

Marqus 14:1

Iqqim-as yumayen i Ȓƹiḏ Ameqqran n Ayṯ-Israʼil ḏ ȓƹiḏ nni umi qqaren Ȓƹiḏ n Ṯefḍirṯ. Arruyas n ȓfuqaha ḏ imseȓmaḏen n ccariƹa rezzun mammec ḏas ɣa ggen ḥima aḏ ṭṭfen Ƹisa s ṯeḥraymiṯ aṯ nɣen.

Luqa 20:19

Ȓexddenni imseȓmaḏen n ccariƹa ḏ arruyas n ȓfuqaha rezzun aḏ ṭṭfen Ƹisa, fehmen belli issawaȓ xasen s ȓmaƹna-ya walakin ggwḏen zi ccaƹb.

Yuḥanna 11:57

Arruyas n ȓfuqaha ḏ ifarrisiyen weṣṣan wenni iy ɣa iẓren mani iǧa Ƹisa, asen t yini bac aḏ raḥen aṯ ṭṭfen.

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.