Luqa 22:19 - Ṯarifiṯ 2020

¹⁹ Iysi aɣrum icekkar Arebbi irzi-ṯ yuca-asen-ṯ inna-asen: "Ḏ wa ig iǧan ḏ ddat inu iy ɣa immucen ƹlaḥsab kenniw. Teggeṯ manaya ḥima aḏayi ṯfekkarem."

Luqa 22:19 Iomraidhean Croise

Matta 14:19

Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Matta 15:36

Iṭṭef sebƹa nni n ṯecnifin ḏ iseȓman nni, icekkar Arebbi. Irzi-ṯen yuci-ṯen i imeḥḍaren nnes, imeḥḍaren nnes ferqen-ṯen x ȓɣaci nni.

Luqa 22:17

Iysi-d Ƹisa ȓkas icekkar Arebbi inna-asen: "Ysim ȓkas-a, ferqem-ṯ jarawem.

Luqa 22:20

Ammu ƹaweḏ menbaƹd i umensi iysi-d ȓkas inna-asen: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu aḏ azzȓen ƹlaḥsab kenniw."

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Yuḥanna 6:23

Ssenni usint-id ṯɣarruba nneɣni zi ṯendint n Ṭabarya ɣar umcan nni mani ccin aɣrum nni mani icekkar Ƹisa Arebbi.

Yuḥanna 6:51

Aqa ḏ nec ḏ aɣrum iddaren iy d ihwan zeg ujenna. Marra wenni ɣa iccen zeg uɣrum-a aḏ iddar i ȓebda. Aɣrum-a iy ticceɣ nec ḏ ddat inu ḥima aḏ teddar ddunect-a."

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

1 Ayṯ-Kurinṯ 10:4

Marra niṯni swin zeg yijjen n ṯsessi ruḥiya. Liʼanna niṯni swin zeg uɣbaȓ nni n uzru ruḥiya iy ṯen iḏeffaren, aɣbaȓ nni n uzru tuɣaṯ netta ḏ Lmasiḥ.

Ayṯ-Galaṭya 1:4

Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

Ayṯ-Galaṭya 4:25

Iwa Hajar nettaṯ amecnaw Aḏrar n Sina iy d itasen ḏi ṯmurṯ n waƹraben. Nettaṯ ṯetwaḥsab ḏ ṯandint n Lquds ḏi ȓweqṯ-a liʼanna nettaṯ ḏ ṯarwa nnes ig iǧan ḏ isemɣan.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

1 Ayṯ-Salunik 5:18

cekkarem-ṯ ḏi marra ṯimesȓayin. Liʼanna ḏ manaya ig itraja Arebbi zzaywem ḏi Ƹisa Lmasiḥ.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.