Luqa 22:17 - Ṯarifiṯ 2020

¹⁷ Iysi-d Ƹisa ȓkas icekkar Arebbi inna-asen: "Ysim ȓkas-a, ferqem-ṯ jarawem.

Luqa 22:17 Iomraidhean Croise

Matta 14:19

Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Matta 15:36

Iṭṭef sebƹa nni n ṯecnifin ḏ iseȓman nni, icekkar Arebbi. Irzi-ṯen yuci-ṯen i imeḥḍaren nnes, imeḥḍaren nnes ferqen-ṯen x ȓɣaci nni.

Matta 26:26

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ ccem-ṯ, wa ig iǧan ḏ ddat inu."

Marqus 14:22

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ, ḏ wa ig iǧan ḏ ddat inu."

Luqa 22:19

Iysi aɣrum icekkar Arebbi irzi-ṯ yuca-asen-ṯ inna-asen: "Ḏ wa ig iǧan ḏ ddat inu iy ɣa immucen ƹlaḥsab kenniw. Teggeṯ manaya ḥima aḏayi ṯfekkarem."

Luqa 9:16

Ikkar iṭṭef xemsa nni n ṯxebbazin ḏ ṯnayen nni n iseȓman, iysi ṯiṭṭawin nnes ɣar ujenna uca icekkar Arebbi. Irza aɣrum nni yuca-asen-ṯ i imeḥḍaren nnes ḥima aṯ ferqen x yiwḏan nni marra.

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

1 Ayṯ-Kurinṯ 11:23

Cuf, nec aqa min ḏayi yuca Siḏiṯneɣ u ḏ manaya iy ḏawem d ssiwḍeɣ iƹni ḏi ǧiȓeṯ nni iy ḏi immenz Siḏiṯneɣ Ƹisa iysi-d netta aɣrum,