Luqa 2:9 - Ṯarifiṯ 2020

⁹ Ṯusa-d ijjen n lmalaʼika n Siḏ Arebbi ṯbedd-d ɣarsen, itceƹciƹ nnur n lƹaḍama n Siḏ Arebbi inneḍ-d xasen ggwḏen aṭṭas.

Luqa 2:9 Iomraidhean Croise

Matta 1:20

Walakin wami itfekkar ḏi ṯmesȓayṯ nni, ṯbedd-d xas ijjen n lmalaʼika ḏi ṯirjiṯ ṯenna-as: "A Yusef a mmis n Ayṯ-Dawed, war teggweḏ ca aḏ tiȓi Maryam ḏ ṯamɣarṯ nnec. Aqa zi Arruḥ iqeddsen iy zi ṯeysi aƹeddis.

Luqa 1:28

Yuḏef ɣares lmalak nni inna-as: "Azul ya ṯenni iy xef irḍa Arebbi, aqa Siḏi Arebbi aqaṯ akiḏem."

Luqa 2:8

Tuɣa ḏinni aȓ jjiheṯ nni imeksawen ḥeṭṭan ṯiḥimeriwin nsen s ǧiȓeṯ.

Luqa 24:4

Niṯenti wami qqiment ḏehhcent ḏi manayenni, bedden-d ɣarsent ṯnayen n iṯarrasen ggin arruḍ itceƹciƹ.

Yuḥanna 12:41

Nnabi Icaƹya inna manaya x Ƹisa wami iẓra lƹaḍama nnes issiweȓ xas netta.

Ȓexḏayem 12:7

Ȓexddenni ṯmeḍhar-d ḏinni ijjen n lmalaʼika n Siḏi Arebbi, itceƹciƹ-d ijjen n nnur ḏi ȓeḥbes. Lmalaʼika nni ṯuwṯa Buṭrus ɣar uɣezḏis nnes ṯesfaq-iṯ-iḏ ṯenna-as: "Kkar ḏeɣya!" Uca snaseȓ nni fesyent zeg ifassen nnes.

Ȓexḏayem 27:23

Cuf, ǧiȓeṯ-a ṯanita qa ṯmeḍhar-ayi-d ijjen n lmalaʼika n Arebbi, Arebbi wenni umi xeddmeɣ netta ḏ bab inu.

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

2 Ayṯ-Kurinṯ 3:18

Ȓexxu neccin aɣembub nneɣ war iɣmis s walu. Netwaȓa lƹaḍama n Siḏiṯneɣ, netwabeddaȓ bac a niȓi ḏ ijjen n ṣṣifeṯ nnes s yijjen n lƹaḍama itmarnin. Manaya itas-d zi Siḏiṯneɣ ig iǧan ḏ Arruḥ.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Iƹibraniyen 12:21

Min twaȓan ḏinni isaggwaḏ aṭṭas, ḥetta uȓa ḏ nnabi Musa inna aqayi terjijiɣ s ṯiggwḏi.

Lwaḥi 18:1

Menbaƹd i manaya ẓriɣ ijjen n lmalak nneɣni ihwa-d zeg ujenna ɣares ssulṭa ḏ ṯameqqrant. Ṯceƹceƹ ṯmurṯ s nnur n lƹaḍama n lmalak nni.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.