Luqa 18:43 - Ṯarifiṯ 2020

⁴³ Ȓexddenni ibḏa itwaȓa, iḏfar Ƹisa isemɣar Arebbi. Wami ẓrin yiwḏan nni min iweqƹen, marra bḏan ḥemmḏen Arebbi.

Luqa 18:43 Iomraidhean Croise

Matta 11:5

iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.

Matta 21:14

Ḏi ṯemziḏa ṯameqqrant qarrben-d ɣar Ƹisa iḍarɣaȓen ḏ izeḥḥafen uca isgenfa-ṯen.

Matta 9:8

Wami ẓrin yiwḏan manayenni, ggwḏen ḥemḏen Arebbi x ssulṭa iy ḏasen iticc i yiwḏan.

Luqa 13:17

Wami inna awaȓ-a, marra yinni akiḏes itmenɣan seḏḥan. Iwḏan nneɣni marra farḥen zi ȓexḏayem ṯimeqqranin ig itegg.

Luqa 19:37

Iqarreb ɣar ṯeksarṯ n ubriḏ zzaṯ i Uḏrar n Zzitun, bḏan aṭṭas n imeḥḍaren nnes farrḥen ḥemmḏen Arebbi s jjheḏ x marra lmuƹjizaṯ nni iy ẓrin.

Luqa 4:39

Yuḏar aɣares isbedd ṯimessi ṯeffeɣ-it. Ḏeg umcan ṯekkar ṯebḏa tsexxar xasen.

Luqa 5:26

Marra ḏehcen ḏi manaya ḥemmḏen Arebbi, ggwḏen aṭṭas nnan: "Nhara neẓra ṯimesȓayin seḏhacent aṭṭas!"

Luqa 9:43

Qqimen yiwḏan nni marra tƹejjben ḏi jjheḏ n Arebbi. Wami tƹejjben marra ḏi qaƹ min igga Ƹisa, ikkar netta inna-asen i imeḥḍaren nnes:

Ȓexḏayem 11:18

Yinni iḥḍaren wami sȓin i wawaȓ-a, sqaren ḥemḏen Arebbi nnan: "Xyar, uȓa ḏ yinni war iǧin ca zi Ayṯ-Israʼil yuca-asen Arebbi ttuba aɣarsen ṯiȓi ṯuḏarṯ!"

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 4:21

Arnin siggwḏen-ṯen, ȓexddenni ḍeȓqen-asen. War ufin mammec ḏasen ɣa ggen aṯen ƹaqben minzi marra iwḏan ḥemmḏen Arebbi x min iweqƹen.

Ayṯ-Galaṭya 1:24

Ssenni uca ḥemmḏen Arebbi xafi.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.