Luqa 13:33 - Ṯarifiṯ 2020

³³ Walakin labud aḏ uyureɣ nhara ḏ ṯiwecca ḏ nhar iy ṯiḏ ɣa iḏfaren minzi war izemmar aḏ immeṯ can nnabi illa ḏi ṯendint n Lquds.

Luqa 13:33 Iomraidhean Croise

Matta 20:18

"Aqa netgaƹƹaḏ ɣar Lquds mani ɣa itwaxḏeƹ Mmis n bnaḏem i arruyas n ȓfuqaha ḏ imseȓmaḏen n ccariƹa. Axas ḥekmen s ȓmewṯ,

Matta 21:11

Nnan ȓɣaci qa wanita ḏ nnabi Ƹisa zeg ubilaj n Naṣira ḏi ṯmurṯ n Ljalil."

Luqa 9:53

Walakin iwḏan n dcar nni war ṯ qbiȓen ca minzi ssnen itraḥ illa ɣar Lquds.

Yuḥanna 11:54

X manaya war iqqim ca Ƹisa itraḥ itas-d jar israʼiliyen. Iruḥ ɣar can ṯmurṯ ṯuḏes ȓexȓa, ɣar yij ubilaj qqaren-as Afrayim iqqim ḏinni ak imeḥḍaren nnes.

Yuḥanna 11:9

Inna-asen Ƹisa: "Ḏinni ṯenƹac n swayaƹ n ṯfawṯ ḏi nhar. Wenni igguren ḏi nhar war itneqriḍ ca minzi itwaȓa ṯfawṯ n ddunect-a.

Yuḥanna 12:35

Inna-asen Ƹisa: "Ḏrust n ȓweqṯ iy kiḏwem itiȓi nnur. Uyurem madama ƹaḏ ɣarwem nnur-a ḥima war xawem d ṯḥarreṯ ṯaǧest. Wenni igguren ḏi ṯaǧest war issin mani iggur.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Yuḥanna 9:4

Xmi itiȓi ḏ nhar, itxeṣṣa-yaneɣ a nexḏem ȓexḏayem n wenni iy ḏayi d issekken. Xmi d taweḍ ǧiȓeṯ, war izemmar uȓa ḏ ijjen aḏ ixḏem.

Ȓexḏayem 13:27

Qa imezḏaɣ n Lquds ḏ arruyas nsen war ƹqiȓen ca Ƹisa-ya, war fhimen ca awaȓen n lʼanbiya ḏi Lkutub iy qqaren ḏi ṯemziḏawin zi ssebṯ ɣar ssebṯ. Wami ḥekmen x Ƹisa s ȓmewṯ ffɣen-d wawaȓen nni iy nnan lʼanbiya.