Luqa 10:37 - Ṯarifiṯ 2020

³⁷ Inna-as wenni itcerraḥen ccariƹa qa ḏ aṯarras nni iy ḏayes iggin ȓxir. Inna-as Ƹisa: "Ruḥ, egg manayenni uȓa ḏ cek."

Luqa 10:37 Iomraidhean Croise

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 23:23

Ya ȓefḍiḥeṯ nwem, ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Ticcem ȓaƹcur uȓa x naƹnaƹ ḏ uwram ḏ ȓcemmun, walakin war tehtimim ca min iǧan muhim qaƹ ḏi ccariƹa iƹni ȓḥaqq ḏ arraḥmeṯ ḏ lʼiman. Lla, itxeṣṣa-awem aḏ tehtamem s manaya bȓa ma tettum ȓaƹcur.

Luqa 10:36

Inna-as Ƹisa i wenni: "Min twaȓiḏ cek? Min iƹna wenni zi ṯȓaṯa nni iy ɣa yiȓin ḏ ajjar n bnaḏem nni iy ṭṭfen ixewwanen?"

Luqa 10:38

Ƹisa ḏ imeḥḍaren nnes gguren x ubriḏ. Yuḏef ɣar yijjen n dcar, ṯreḥḥeb zzayes ijjen n ṯemɣarṯ qqaren-as Marṯa ɣar ṯeddarṯ nnes.

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.