Iƹibraniyen 8:5 - Ṯarifiṯ 2020

⁵ Yina xeddmen ccɣeȓ nsen ḏeg yijjen n ṯemziḏa nettaṯ am yijjen n ṯiȓi itemcabbahen ḏi min iǧan ḏeg ujenna. X manayenni Arebbi iƹȓem i Musa wami ibḏa isbedda Aqiḍun nni Ameqqran inna-as:

Iƹibraniyen 8:5 Iomraidhean Croise

Matta 2:12

Iƹȓem-asen Arebbi ḏi ṯirjiṯ inna-asen war teƹqibem ca ɣar uzeǧiḏ Hirudus. Ṣafi kkaren ḏewȓen ɣar ṯmurṯ nsen x yijjen n ubriḏ nneɣni.

Ȓexḏayem 7:44

Ɣarsen ɣar ȓejḏuḏ nneɣ Ṯamziḏa uqiḍun n Arebbi ḏi ṣṣaḥra. Iggi-t Musa amec iy ṯ yumar Arebbi ƹlaḥsab cckel iy tuɣa iẓra.

Ayṯ-Kulus 2:17

Marra ṯimesȓayin-a niṯenti am ṯiȓi waha n ṯmesȓayin nni iy d ɣa yasen, ṯimesȓayin nni n ṣṣaḥ n Lmasiḥ.

Iƹibraniyen 10:1

Cuf, Ccariƹa n Musa nettaṯ ɣir ḏ ijjen n ṯiȓi n ṯmesȓayin ṯiṣebḥanin iy d ɣa yasen, war ṯeǧi ca nettaṯ ḏ ṯimesȓayin nni ḏ ṣṣaḥ. X manaya, dbiḥaṯ nni n ccariƹa iy teggen zi lƹam ɣar lƹam war zemmarent ƹemmarṣ aḏ ssiṣfant yinni itqarraben ɣar Arebbi aḏ iȓin bȓa ȓƹib.

Iƹibraniyen 11:7

S lʼiman nnabi Nuḥ wami ḏas iƹȓem Arebbi x ṯmesȓayin nni war ṯent ẓrin yiwḏan ƹemmarṣ, ikkar netta s yijjen n ṯiggwḏi ḏ yijjen n ȓeḥya igga aɣarrabu bac aḏ isenjem ayṯbab n ṯeddarṯ nnes. Wami igga manayenni netta iƹeyyeb ddunect, iwareṯ ṣṣulḥ nni iy d itasen s lʼiman.

Iƹibraniyen 12:25

Arrem-d ȓbaȓ nwem war tjihiȓem ca awaȓ n wenni issawaȓen, mayemmi? Liʼanna Ayṯ-Israʼil war feȓṯen ca wami jehȓen awaȓ n wenni tuɣa ṯen iweṣṣan ḏi ṯmurṯ. U neccin ƹaḏ ktar, meȓa nugi a ntaƹ i wenni ḏaneɣ iweṣṣan zeg ujenna ataf ƹemmarṣ a nefȓeṯ.

Iƹibraniyen 13:10

Neccin ɣarneɣ ijjen n ȓmeḏbaḥ, zi ȓmeḏbaḥ-a war ɣarsen bu ȓḥaqq azzayes ccen yinni ixeddmen ḏeg Uqiḍun Ameqqran.

Iƹibraniyen 9:9

Marra manaya iticc ijjen lmiṯal i ȓweqṯ-a iy ḏi neǧa ȓexxu. Ccɣeȓ nni iy tuɣa teggen ḏinni xmi tqeddamen ṣṣeḏqeṯ ḏ dbiḥaṯ war izemmar ca aḏ issiṣfa ḍḍamir n wenni iƹebbḏen.

Lwaḥi 15:5

Menbaƹd i manaya ẓriɣ ṯamziḏa ṯameqqrant iƹni aqiḍun n chaḏeṯ inurzem ḏeg ujenna.