Iƹibraniyen 7:8 - Ṯarifiṯ 2020

⁸ Ayṯ-Lawi ig ikessin ȓaƹcur iƹni niṯni ḏ iwḏan ƹadi tmettan. Walakin Malikiṣadiq ig iysin ȓaƹcur nni icehheḏ xas Lkitab belli netta iddar.

Iƹibraniyen 7:8 Iomraidhean Croise

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Iƹibraniyen 3:16

Cuf, min ƹnan yinni isȓin ugin aḏ ggen array i Arebbi? Yac ḏ iwḏan nni marra ig isufeɣ nnabi Musa zi Miṣra niɣ?

Iƹibraniyen 5:6

Ƹaweḏ iqqar Arebbi ḏeg yijjen n umcan nneɣni:

Iƹibraniyen 6:20

Ḏeg umcan nni yuḏef Ƹisa ḏinni ḏ amezwaru ƹlaḥsab neccin, iḏweȓ ḏ ȓefqi ameqqran i ȓebda amecnaw lfirqa nni n ȓefqi umi qqaren Malikiṣadiq.

Iƹibraniyen 7:23

Ȓfuqaha nni n Ayṯ-Lawi niṯni aṭṭas iḏsen, mayemmi? Liʼanna ȓmewṯ war ṯen tejji ca aḏ dumen ḏi ȓxeḏmeṯ nsen.

Iƹibraniyen 7:7

U bȓa ccekk wenni ameqqran aḏ yuc lbaraka i wenni amezyan.

Iƹibraniyen 7:9

Iwa nzemmar a nini Lawi netta s yixef nnes iy ikessi ȓaƹcur zeg yiwḏan, issekk-iṯ x ufus n Brahim ɣar Malikiṣadiq liʼanna Brahim netta ḏ jeddis ameqqran.

Iƹibraniyen 9:27

Ȓmewṯ itmetta-t bnaḏem ijjen n ṯwaȓa, ṯumma iḏeffar-it Lḥisab ḏ Lƹiqab.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.