Iƹibraniyen 4:11 - Ṯarifiṯ 2020

¹¹ Iḏen wa labud a negg lmejhud nneɣ bac a naḏef ḏi arraḥeṯ nni ḥima uȓa ḏ ijjen war iweṭṭi ḏi nnefs n ȓmuƹṣiyeṯ.

Iƹibraniyen 4:11 Iomraidhean Croise

Matta 11:12

Zi ȓweqṯ n Yaḥya aȓ ȓexxu iwḏan temḏeḥḥasen aḏ aḏfen ḏi ȓmulk ujenna, iryazen tmenɣan bac aɣarsen yiȓi.

Matta 7:13

Aḏfeṯ zi ṯewwarṯ iḥṣaren minzi ṯawwarṯ nni itawin ɣar jahennama ṯiriw aṭṭas, abriḏ nnes isheȓ. Aṭṭas iy zzayes iƹeddun.

Luqa 13:24

"Ggeṯ mamc ɣa ṯaḏfem zi ṯewwarṯ iḥṣaren. Aḏawem iniɣ: Aṭṭas n yiwḏan ataf aḏ rzun aḏ aḏfen walakin war zemmaren.

Luqa 16:16

Ccariƹa n Musa ḏ useȓmeḏ n lʼanbiya tuɣa ǧan aȓ wami d yusa Yaḥya. Zi ȓweqṯ n Yaḥya ssenni aȓ ṯsawent ibḏa itwabeccar ȓmulk n Arebbi, kuȓ ijjen itemḏeḥḥas ḥima aḏayes yaḏef.

Yuḥanna 6:27

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."

Ȓexḏayem 26:19

Nec a si azeǧiḏ Aɣribas, war ƹṣiɣ ca lwaḥi nni iy xafi d ihwan zeg ujenna.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

Ayṯ-Filippas 2:12

Iḏen ay imƹizzen inu, mamc tuɣa ṯetṭaƹam ȓebda zi qbeȓ wami tuɣayi akiḏwem, amenni ƹaweḏ iy ɣa ḏayi ṯṭaƹem wami xawem ɣabeɣ. Iƹni aḏ teqqimem teggem lmejhud bac aḏ tkemmȓem mliḥ ḏeg usenjem nwem s yijjen n ṯiggwḏi ḏ yijjen n tarjiji.

Ayṯ-Kulus 3:6

Ƹlaḥsab ṯimesȓayin-a iy d ɣa yasen Nhar n uɣḍab n Arebbi.

Titus 1:16

Qqaren qa nessen Arebbi walakin nekkaren-ṯ s ȓefƹayeȓ nsen. Niṯni twaƹiffen, war tṭiƹin ca, war neffƹen ca uȓa ḏeg yijjen n ȓxeḏmeṯ ḏ ṯaṣebḥant.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Iƹibraniyen 3:18

U min ƹnan yinni iy xef ijjuǧ Arebbi inna-asen ƹemmarṣ aḏ aḏfen ḏi arraḥeṯ inu? Yac ḏ yinni war itṭiƹin ca niɣ?

Iƹibraniyen 4:6

Iḏen ƹaḏ qqimen ȓebƹaḍ n yiwḏan aḏ aḏfen ḏi arraḥeṯ-a n Siḏi Arebbi, yinni itwabeccaren zi qbeȓ war uḏifen ca ḏinni liʼanna war uminen ca.

Iƹibraniyen 6:11

Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.

2 Buṭrus 2:6

Iƹaqeb ƹaweḏ Arebbi ṯandint n Sadum ḏ ṯendint n Ƹamura issecmeḍ-iṯent yarri-ṯent ḏ ṯaƹejjajṯ n yiɣɣeḏ [=ṯnifesṯ] waha, iggi-ṯent ḏ lƹibra x min itrajan i yinni war ḏas itṭiƹin ca.