Iƹibraniyen 3:12 - Ṯarifiṯ 2020

¹² Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Iƹibraniyen 3:12 Iomraidhean Croise

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 24:4

Ijaweb-iṯen Ƹisa inna-asen: "Ḥḍam ixef nwem ḥima war kenniw ixeddeƹ ḥadd.

Marqus 13:23

Iȓim ƹlabal kenniw! Aqa nec ƹeȓmeɣ-awem x marra manaya qbeȓ ma aḏ iwqeƹ.

Marqus 13:33

Ḥḍam ixef nwem, iȓim ƹlabal ȓaḥeqqac war ṯessinem ca meȓmi d ɣa ṯas ȓweqṯ nni.

Marqus 13:9

Ḥḍam ixef nwem! Akenniw sellmen i lmaḥkamaṯ, akenniw uwṯen ḏi ṯemziḏawin nsen. Aḏ tbeddem zzaṯ i lḥukkam ḏ izeǧiḏen ƹlaḥsab isem inu ḥima axafi ṯcehḏem.

Luqa 21:8

Inna-asen: "Ḥḍam ixef nwem ḥima war kenniw ixeddeƹ ḥadd. Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Ƹaweḏ aḏawem inin qa ȓweqṯ ṯuweḍ-d! Walakin kenniw itxeṣṣa war ṯen teḏfirem ca.

Ayṯ-Ruma 11:21

Iwa, meȓa Arebbi tuɣa war iḥinn ca ḏi ȓefruƹ n lʼaṣel, uȓa ḏ cek war ḏayek itḥinni ca.

1 Ayṯ-Kurinṯ 10:12

S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

Iƹibraniyen 10:31

Meȓa ijjen ḥekkmen xas ifassen n Arebbi iddaren, ataf manaya isaggwaḏ.

Iƹibraniyen 10:38

Walakin wenni iǧan nican aḏ iƹic s lʼiman. Meȓa iƹqeb ɣar ḏeffar ataf war xas reṭṭiɣ ca.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

Iƹibraniyen 12:22

Walakin kenniw ṯqarrbem-d ɣar Uḏrar n Ṣiyun iƹni ṯandint n Arebbi iddaren ḏ Lquds n ujenna, ḏayes aȓaf n uȓufaṯ n lmalaʼikaṯ.

Iƹibraniyen 12:25

Arrem-d ȓbaȓ nwem war tjihiȓem ca awaȓ n wenni issawaȓen, mayemmi? Liʼanna Ayṯ-Israʼil war feȓṯen ca wami jehȓen awaȓ n wenni tuɣa ṯen iweṣṣan ḏi ṯmurṯ. U neccin ƹaḏ ktar, meȓa nugi a ntaƹ i wenni ḏaneɣ iweṣṣan zeg ujenna ataf ƹemmarṣ a nefȓeṯ.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

Iƹibraniyen 3:10

X manayenni sƹeṣṣben-ayi yiwḏan n zman nni. Nniɣ nec aqa ȓebda tbeƹƹaḏen xafi s wuȓawen nsen, ibriḏen inu war ṯen ssinen ca niṯni.

Iƹibraniyen 3:19

Iwa neccin netwaȓa belli tuɣa war zemmaren ca aḏ aḏfen ḏi arraḥeṯ n Siḏi Arebbi minzi ugin aḏ amnen.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.