Iƹibraniyen 2:11 - Ṯarifiṯ 2020

¹¹ Aqa wenni issiṣfan iwḏan zi ȓmuƹṣiyaṯ nsen u ḏ yiwḏan nni itwassiṣfan, Babaṯsen ḏ ijjen. X manaya war xasen itƹeffar ca aḏasen yini ay ayṯma.

Iƹibraniyen 2:11 Iomraidhean Croise

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 28:10

Ȓexddenni inna-asent Ƹisa: "War teggwḏent ca. Ruḥent siwḍent ȓexbar inint i ayṯma: Ruḥeṯ ɣar ṯmurṯ n Ljalil ḏinni iy ḏayi ɣa ṯeẓrem."

Marqus 3:34

Ixzar ɣar yinni iqqimen nnḍen-as uca inna: "Aqa yemma ḏ ayṯma."

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Luqa 9:26

Wenni xafi ɣa iƹeffaren nec niɣ aḏ iƹeffar x wawaȓ inu, ataf axas iƹeffar Mmis n bnaḏem xmi d ɣa yas s lƹaḍama nnes ḏ lƹaḍama n Babas ak lmalaʼikaṯ iqeddsen.

Yuḥanna 17:19

Nec ṣeffiɣ ixef inu x ssabab nsen ḥima aḏ twaṣeffan uȓa ḏ niṯni ƹaweḏ s lḥaqiqa.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Ȓexḏayem 17:26

Zeg yijjen n bnaḏem iy zi d ixȓeq marra ȓegnus bac aḏ zeḏɣen ḏi ddunect-a amen-ṯekmaȓ. Iḥedd-asen nhuraṯ n ttarix nsen ḏ mani iy ɣa zeḏɣen.

Ȓexḏayem 17:28

Zzayes netta iy neddar, zzayes netta iy ntenhezza, zzayes netta iy neǧa. Mammec nnan uȓa ḏ ȓebƹaḍ n ccuƹaraʼ nwem qa neccin ḏ ṯarwa nnes.

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Iƹibraniyen 10:14

Liʼanna yinni itḏewwaȓen ḏ ṣṣaliḥin issiṣfa-ṯen ḏeg yijjen n ṯwaȓa i ȓebda s yijjen n dbiḥeṯ u ṣafi bac aḏ iȓin bȓa ȓƹib.

Iƹibraniyen 11:16

Walakin lla, rezzun x yijjen n ṯmurṯ ḥsen zi ṯenni, iƹni icten ḏeg ujenna. X manayenni Arebbi war iseḏḥi ca aḏas inin qa cek ḏ Arebbi nneɣ minzi netta isewjeḏ-asen ijjen n ṯendint.

Iƹibraniyen 13:12

Ammu ƹaweḏ Ƹisa, ṯekka xas tamara nni ɣar ȓeggwaj n ṯewwarṯ n ṯendint bac aḏ issiṣfa ccaƹb s iḏammen nnes.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.