Iƹibraniyen 13:16 - Ṯarifiṯ 2020

¹⁶ U war tettuṯ ca aḏ teggem ȓxir aḏ tcarcem ak inneɣni minzi s dbiḥaṯ-a am ṯina iy ḏas iteƹjiben i Arebbi.

Iƹibraniyen 13:16 Iomraidhean Croise

Luqa 18:22

Ƹisa wami isȓa i wawaȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca. Ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Ȓexḏayem 9:36

Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

Ayṯ-Galaṭya 6:6

Fa wenni umi seȓmaḏen awaȓ n Arebbi, itxeṣṣa aḏ icarec netta ak wenni iseȓmaḏen zi marra min iǧan ḏ aṣebḥan.

Ayṯ-Ufasus 4:28

Wenni ig itacaren labud aḏ ibeƹƹeḏ zi ṯukkarḏa nni, aḏ ixḏem ijjen n ȓxeḏmeṯ ḏ ṯaṣebḥant s ifassen nnes bac aḏ iƹawen zzayes wenni iteḥḏajen.

Ayṯ-Filippas 4:14

Walakin mliḥ wami ṯcarcem akiḏi ḏi lmacakil inu.

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

2 Ayṯ-Salunik 3:13

Amma kenniw ay ayṯma, ggeṯ ȓxir bȓa ma aḏ taḥȓem.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

Filimun 1:6

Tettareɣ i Arebbi x ṯemƹacarṯ nneɣ ḏi lʼiman ac ṯawi ɣar yijjen n ȓefhameṯ ṯekmaȓ x kuȓ ṯamesȓayṯ ṯaṣebḥant ig iǧan ɣarneɣ ḏi Lmasiḥ.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

3 Yuḥanna 1:11

Ay uma inu iƹizzen, war tqellad ca min iǧan ḏ aƹeffan; Lla, qelled min iǧan ḏ aṣebḥan. Wenni iteggen min iǧan ḏ aṣebḥan netta zi Arebbi; Wenni iteggen min iǧan ḏ aƹeffan netta war itwiȓi ca Arebbi.