Iƹibraniyen 10:8 - Ṯarifiṯ 2020

⁸ Ḏ amezwaru inna-as qa dbiḥaṯ ḏ ṣṣeḏqeṯ war ṯent ṯerzuḏ ca cek, war ḏac iteƹjib bu ȓḥaȓ aḏac cemḍen lḥayawanaṯ aḏac qeddmen ṣṣeḏqeṯ x ȓmuƹṣiyeṯ. (Ṯina tqeddamen-ṯent ƹlaḥsab ccariƹa.)

Iƹibraniyen 10:8 Iomraidhean Croise

Marqus 12:33

U ƹaweḏ meȓa bnaḏem itexs Siḏi Arebbi s marra uȓ nnes ḏ ȓaƹqeȓ nnes ḏ jjheḏ nnes aḏ ixes uȓa ḏ ajjar nnes amecnaw ixef nnes, manaya ḥsen zi bnaḏem meȓa iɣareṣ dbiḥeṯ issecmaḍ-it qaƹ ḏi tmessi niɣ aḏ iqeddem mana ktar i Arebbi."

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

Iƹibraniyen 10:5

X manaya, wami d yusa Lmasiḥ ɣar ddunect-a inna-as i Arebbi: <Ṯeswejḏeḏ-ayi ijjen n ddat, war ṯerzuḏ ca dbiḥaṯ ḏ ṣṣeḏqeṯ lla.