Iƹibraniyen 1:4 - Ṯarifiṯ 2020

⁴ Fa Mmis iḏweȓ imɣar aṭṭas x lmalaʼikaṯ minzi isem nni iy ḏas iswareṯ Arebbi imɣar aṭṭas x yisemawen nsent.

Iƹibraniyen 1:4 Iomraidhean Croise

Ayṯ-Ufasus 1:21

Isuƹȓa-ṯ Arebbi aṭṭas x marra ȓeḥkam ḏ ȓmexzen ḏ jjheḏ ḏ lmemlaka. Isuƹȓa-ṯ netta ƹaweḏ x kuȓ isem iy teggen ḏ isemawen, maci ɣir ḏi zman-a iy ḏi neǧa waha walakin ƹaweḏ ḏi lʼaxira.

Ayṯ-Kulus 1:18

Ḏ netta iy iǧan ḏ azeǧif n ddat iƹni n jmaƹeṯ n ȓmuminin. Ḏ netta ig iǧan ḏ amezwaru, ḏ netta ig iǧan ḏ amenzu zeg imettinen bac ḏ netta iy ɣa yiȓin ḏ amezwaru ḏi ṯmesȓayin qaƹ.

Ayṯ-Kulus 2:10

Kenniw ṯuḏarṯ nwem ṯekmaȓ ak Lmasiḥ iǧan netta ḏ azeǧif itrayyan x marra yinni iḥekkmen ḏ yinni ijehḏen.

2 Ayṯ-Salunik 1:7

aḏawem yuc arraḥeṯ akiḏneɣ kenniw itwameḥḥanen. Manaya aḏ yiȓi xmi d ɣa imeḍhar Siḏiṯneɣ Ƹisa zeg ujenna ḏeg yijjen n ṯmessi ṯḥeddeq, akiḏes d meḍharent lmalaʼikaṯ nnes ijehḏen.

Iƹibraniyen 1:9

Tḥibbiḏ min iṣeȓḥen, tƹiffiḏ ccarr. S manaya Arebbi iƹni Arebbi nnec, iḏhen-ac s zzect n ȓefraḥeṯ, isiȓi-yic ḏeg ujenna x imƹacaren nnec.>

Iƹibraniyen 12:17

Aqa ṯessnem menbaƹd iƹqeb-d Ƹasu-ya irezzu aḏ iwareṯ lbaraka nni yugi-yas babas. War yufi mammec tid ɣa yarr waxxa itettar-as-t s imeṭṭawen.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.