Iƹibraniyen 1:1 - Ṯarifiṯ 2020

¹ Ḏi zman issawaȓ Arebbi ak ȓejḏuḏ nneɣ s uqemmum n lʼanbiya s waṭṭas n ṯwaȓaṯin s waṭṭas n ibriḏen.

Iƹibraniyen 1:1 Iomraidhean Croise

Luqa 1:55

mamc iwƹeḏ ȓejḏuḏ nneɣ, Brahim ḏ ddurriṯ nnes i ȓebda."

Luqa 1:72

Aḏ d ismeḍhar arraḥmeṯ nnes iy zi iwƹeḏ ȓejḏuḏ nneɣ, aḏ iƹqeȓ x ȓƹaheḏ nnes iqeddsen.

Luqa 24:27

Ḏinni ibḏa-yasen Ƹisa zi Ccariƹa n Musa ḏ Lkutub n marra lʼanbiya isefhem-iṯen min xas yurin ḏi marra Lkutub nni.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Yuḥanna 16:13

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

Yuḥanna 7:22

Cuf, ijja-awem-d Musa ṭṭahareṯ u ṭṭahareṯ-a war ṯeǧi bu zi Musa lla, zi ssalaf ṣṣaliḥin. X manaya kenniw waxxa ḏi nhar n ssebṯ n lƹibada tṭehharem i iḥarmucen.

Yuḥanna 9:29

Neccin nessen belli Arebbi issiweȓ ak Musa, walakin wenni war nessin ca manis iy d yusa."

Ȓexḏayem 13:32

Fa neccin netbeccar-ikenniw s manaya. Iƹni Arebbi wami d isekkar Ƹisa zi ȓmewṯ ṣafi ikemmeȓ min zi tuɣa iwƹeḏ ȓejḏuḏ nneɣ, ikemmeȓ-iṯ akiḏneɣ neccin iǧan ḏ ṯarwa nsen. Aqa yura ḏi Lkitab n Zzabur ḏeg yizȓi wis ṯnayen: Aqa cek ḏ Mmi, nhara nec ḏewȓeɣ ḏ Babac.

Ȓexḏayem 2:30

Azeǧiḏ Dawed tuɣa ḏ nnabi iƹni issen belli iwƹeḏ-iṯ Arebbi inna-as aqa aḏ sɣimeɣ ijjen zi ddurriṯ nnec x lƹarc nnec.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 3:21

Itxeṣṣa netta aḏ iqqim ḏeg ujenna aȓ ȓweqṯ iy ḏi ɣa itwaƹḏeȓ kuȓci ƹlaḥsab awaȓen n lʼanbiya ṣṣaliḥin iy ḏasen inna Arebbi ḏeg yijjen n zman.

Iƹibraniyen 11:18

tuɣa inna-as qa s Isḥaq iy zi ɣa twaḥesseb ddurriṯ nnec.

Iƹibraniyen 11:2

S lʼiman-a iy twacekkaren iwḏan n zman.

Iƹibraniyen 12:25

Arrem-d ȓbaȓ nwem war tjihiȓem ca awaȓ n wenni issawaȓen, mayemmi? Liʼanna Ayṯ-Israʼil war feȓṯen ca wami jehȓen awaȓ n wenni tuɣa ṯen iweṣṣan ḏi ṯmurṯ. U neccin ƹaḏ ktar, meȓa nugi a ntaƹ i wenni ḏaneɣ iweṣṣan zeg ujenna ataf ƹemmarṣ a nefȓeṯ.

Iƹibraniyen 2:2

Cuf, Ccariƹa nni n Musa tuɣa uwint-tid lmalaʼikaṯ, tseyṭar xaneɣ tƹaqab-aneɣ iƹni meȓa neƹṣa niɣ meȓa war nṭiƹ ca.

Iƹibraniyen 2:3

Ȓexxu asenjem nneɣ imɣaren, mammec iy ɣa negg a nenjem zi lƹiqab iƹni meȓa neɣfeȓ x usenjem-a? Awaȓ n usenjem-a ibcar-iṯ-iḏ ḏ amezwaru Siḏiṯneɣ, ṯumma cehḏen xas yinni iy ḏas iṣennṭen ssiwḍen-ṯ-iḏ i neccin.

Iƹibraniyen 3:5

Tuɣa nnabi Musa ixeddem nican ḏ amsexxar, itƹawan ayṯbab n ṯeddarṯ ṯekmaȓ n Arebbi, icehheḏ x ṯmesȓayin tuɣa ƹaḏ iy ɣa itwabeccaren ḏi lmustaqbel.

Iƹibraniyen 4:8

Cuf, maƹlik nnabi Yacuƹa tuɣa issiweḍ ȓejḏuḏ nneɣ ɣar yijjen n arraḥeṯ, ataf Arebbi war issiweȓ ca x yijjen n nhar nneɣni menbaƹd i waṭṭas n lqurun.

Iƹibraniyen 5:5

Ammu uȓa ḏ Ƹisa war isemɣar ca ixef nnes aḏ ixḏem s lƹaḍama-ya iƹni ḏ ȓefqi ameqqran; Lla, inna-as Arebbi:

Iƹibraniyen 9:19

Aqa nnabi Musa wami iɣra kuȓ ȓuṣiyeṯ i marra ccaƹb, ṯumma iysi iḏammen n iyenduzen ḏ iɣayḏen ixelleṭ-iṯen ak waman, ṯumma irucc zzaysen Lkitab s yixef nnes ḏ marra ccaƹb s ṯaḍufṯ ṯazeggwaɣṯ ḏ uzuy.