Ayṯ-Ruma 3:5 - Ṯarifiṯ 2020

⁵ Fa meȓa ȓbaṭeȓ nneɣ iy ntegg ismeḍhar-d ȓḥaqq n Arebbi, min ɣa nini? (Nec ssawaȓeɣ ƹlaḥsab lfikra n bnaḏem.) Arebbi, ma iḍeǧem-aneɣ xmi ḏaneɣ itƹaqab?

Ayṯ-Ruma 3:5 Iomraidhean Croise

Ayṯ-Ruma 12:19

Ay imƹizzen inu, war tentaqamem zi ḥadd, lƹiqab jjem-ṯ i Arebbi. Aqa Lkitab iqqar: <Ḏ nec ig itentaqamen, ḏ nec iy itxeǧasen, iqqar-it Siḏi Arebbi.>

Ayṯ-Ruma 2:5

Walakin cek s ṯɣennant-a iy ḏayek ḏ wuȓ nnec war ituben ca tesmuniḏ aɣḍab i yixef nnec aȓ Yum Lḥisab ḏ Lƹiqab, nhar iy ḏi d ɣa imeḍhar ȓḥukem n Arebbi s ȓḥaqq.

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ayṯ-Ruma 3:7

Imken aḏ yini can yijjen: Mȓi ȓbaṭeȓ inu netta ismeḍhar-d mliḥ lḥaqiqa n Arebbi, mȓi zzayes itmarni Arebbi ḏi lƹaḍama nnes, iwa mayemmi ḏayi ɣa iḥseb ḏ lƹaṣi?

Ayṯ-Ruma 4:1

Iwa min ɣa nini x jeddiṯneɣ Brahim? Min ḏas iweqƹen i netta?

Ayṯ-Ruma 5:8

Walakin neccin tuɣaneɣ ƹaḏ nƹeṣṣa Arebbi wami immuṯ xaneɣ Lmasiḥ. S manayenni isbeyyen-aneɣ-d Arebbi mecḥaȓ ḏaneɣ itexs.

Ayṯ-Ruma 6:1

Iwa, min ɣa nini? Ma a nsiɣi ḏi ȓmuƹṣiyaṯ ḥima aḏ ikṯar arḍa n Arebbi?

Ayṯ-Ruma 6:19

Nec ssawaȓeɣ akiḏwem s yijjen n wawaȓ ƹadi liʼanna iqseḥ x bnaḏem aḏ ifhem manaya. Qbeȓ tuɣa tqeddamem kuȓ ṭṭarf zi ddat nwem bac azzayes itwagg lfasad ḏ ccarr itemɣuren. Walakin ȓexxu tqeddameṯ ddat nwem aḏ texḏem min iǧan nican ḥima aḏ tiȓim ṯeṣfam.

Ayṯ-Ruma 7:7

Iwa min ɣa nini? Ma ccariƹa n Musa nettaṯ s yixef nnes ḏ ijjen n ȓmuƹṣiyeṯ? Lla, ƹemmarṣ! Maƹlik ccariƹa war ṯeǧi, ataf war ssineɣ min ṯeƹna ȓmuƹṣiyeṯ. Maƹlik war ḏayes ȓuṣiyeṯ nni , ataf war ssineɣ min iƹna uƹeccaq.

Ayṯ-Ruma 8:31

Iwa, min ɣa nini menbaƹd i marra manaya? Meȓa Arebbi aqaṯ akiḏneɣ, uw izemmaren aḏ yiȓi ḍed nneɣ?

Ayṯ-Ruma 9:30

Iwa, min ɣa nini? Yinni war iǧin ca zi Ayṯ-Israʼil tuɣa war rezzun ca ṣṣulḥ ak Arebbi, walakin ufin-ṯ wami umnen.

1 Ayṯ-Kurinṯ 15:32

Nec meȓa ƹlaḥsab ṯimesȓayin n ddunect-a waha, mayemmi menɣeɣ ak ȓuḥuc ḏi ṯendint n Ufasus? Min ɣa rebḥeɣ? Imettinen, meȓa war d tnekkaren ca zi ȓmewṯ, i mayemmi? "Yallah a necceṯ a nesweṯ, qa ṯiwecca a nemmeṯ."

1 Ayṯ-Kurinṯ 9:8

Ma qqareɣ manaya ƹlaḥsab array n bnaḏem waha? Lla, ƹlaḥsab array n ccariƹa iqqar kif-kif.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

Ayṯ-Galaṭya 2:18

Lƹaks, nec aḏ iȓiɣ ḏ lƹaṣi meȓa bniɣ ƹaweḏ nniḍam nni aqḏim n ccariƹa iy heḏmeɣ.

Ayṯ-Galaṭya 3:15

Ay ayṯma, aḏawem uceɣ ijjen n lmiṯal zi lƹadaṯ nneɣ. Lwaṣiya, nettaṯ meȓa ṯura ṯeḍbeƹ, war izemmar ḥadd at isbeṭṭeȓ niɣ aḏayes yarni can n ȓḥajeṯ.

Lwaḥi 15:3

Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."