Ayṯ-Kulus 2:8 - Ṯarifiṯ 2020

⁸ Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

Ayṯ-Kulus 2:8 Iomraidhean Croise

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Matta 16:6

Inna-asen Ƹisa: "Ɣarwem! Ḥḍam ixef nwem zeg untun n lʼaḥzab n ifarrisiyen ḏ iṣadduqiyen."

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 17:32

Yina wami tesȓan x yiwḏan aḏ d kkaren zi ȓmewṯ ḏi Lqiyama ḍeḥcen ȓebƹaḍ xasen, walakin ȓebƹaḍ nneɣni nnan-as qa neccin nexs aḏac nṣenneṭ ṯwaȓa nneɣni x manaya.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

1 Ayṯ-Kurinṯ 10:12

S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes.

1 Ayṯ-Kurinṯ 8:9

Walakin ḥḍam ixef nwem ḏi lḥurriya-ya nwem ṯanita bac war ṯɣeṭṭȓem ca yinni iḍeƹfen ḏi lʼiman nsen aḏ wḍan.

2 Ayṯ-Kurinṯ 10:5

Netrezza awaȓen ḏ kuȓ array iy ḏi iǧa ttakebbur ig itƹarraḍen i min nessen x Arebbi. Nḥebbes kuȓ lfikra ḥima ataf aḏ tṭaƹ i Lmasiḥ.

Ayṯ-Galaṭya 1:14

Tuɣa nec tgaƹƹaḏeɣ mliḥ ḏi ddin n Ayṯ-Israʼil ƹȓayen qaƹ ḥsen zeg iqrinen inu. Tuɣa nec rezzuɣ aṭṭas aḏ ggeɣ lwajib ƹlaḥsab lƹadaṯ n ȓejḏuḏ inu.

Ayṯ-Galaṭya 4:3

Ammu uȓa ḏ neccin. Wami neǧa ƹaḏ ḏ imezyanen, am isemɣan ḥekkmen xaneɣ lqawanin iqḏimen n ddunect-a.

Ayṯ-Galaṭya 4:9

Walakin ȓexxu kenniw ṯessnem Arebbi, iƹni netta iy kenniw issnen. Mammec teggem ƹaweḏ ṯḏewwaȓem ɣar lqawanin iqḏimen nni iteḍƹifen war itejhiḏen ca? Ma ṯexsem aɣarsen ṯḏewȓem ḏ isemɣan ƹaweḏ niɣ?

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Ufasus 4:20

Walakin kenniw lla, maci amenni iy ṯȓemḏem x Lmasiḥ.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

Ayṯ-Filippas 3:2

Ḥḍam ixef nwem zeg iqzinen nni, iƹni iryazen nni iteggen ccarr itḥejjamen i bnaḏem.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

Ayṯ-Kulus 2:20

Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?

Ayṯ-Kulus 2:22

Lqawanin-a yina ssawaȓen x can ṯmesȓayin iy ɣa ifnan xmi ɣa twaccent, niṯni ḏ lqawanin ḏ useȓmeḏ n yiwḏan waha.

Ayṯ-Kulus 2:23

Ḏ ṣṣaḥ, tɣiȓ-asen i yiwḏan lqawanin nni am ḏaysen ȓefhameṯ zaƹma x ssabab n lwajib n lƹibada nsen ḏ ddin nsen iqseḥ u ƹaweḏ mecḥaȓ tzeyyaren x ddat n bnaḏem. Walakin lqawanin-a war tƹiwinen uȓa ḏ ijjen n bnaḏem bac war itseƹƹif ca ccehawaṯ n ddat nnes.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

1 Buṭrus 1:18

Aqa ṯessnem kenniw s yijjen n lfidya Arebbi issufeɣ-ikenniw-d zeg yijjen n ṯuḏarṯ ṯexwa iy ḏawem immucen zi ȓejḏuḏ nwem, walakin lfidya-ya iy xawem ixeǧes maci ḏ can n ȓḥajeṯ am ddheb niɣ am nnuqarṯ ig ifennan.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

2 Yuḥanna 1:8

Ḥḍam ixef nwem ḥima aḏ trebḥem ljaʼiza nwem ṯekmaȓ maci aḏ texsarem minxef nxeddem.