Nehemia 9:10 - Ebibulia 2001

¹⁰ wakolera Farao n'abaramatabe bona n'abantu bona b'ensiye obubonero n'ebitangazo by'okubatinisa, ahakuba okamanya okwo bakozire kubi batataichwe n'ekyeju, wayehaisa ekitinwa na mambwenu.

Nehemia 9:10 Iomraidhean Croise

Nehemia 9:16

“Kyonkai bonene na batat'enkurw'ichwe bakagira eikuru, bagumangana emitima, tibahuliire mihango yawe,

Nehemia 9:29

Okabatatira kubagarura aha Mateka gawe, kyonkai bagira eikuru tibahulira mihango yawe, bachwa emigenzo yawe ey'omuntu ahikya akarora, basika amabega mara bagumangana emitima tibahuliire.

Ezaburi 83:18

Bamanye okwo iwe wenkai, ayetwa Mukama, oba Rukirabyona, n'iwe mutwazi w'ensi yona.

Okuruga 18:11

Mbwenu namanya okwo Omukama ali mukuru kushaga baruhanga bona, aha rw'okuba arokoire abantube omu mikono y'Abamisiri orwo babaire nibabaita kubi n'ekyeju.”

Okuruga 3:20

Kityo inye ndakoza obushobora bwange mbonabonyie Misiri, ngihe ekibonabonyio ekilikutinisa; ahanyuma arabataishura mugende.

Okuruga 5:2

Kyonkai Farao agamba ati, “Omukama ogwo n'ohai inye kumuhulira nkataishura Abaisiraeli? Inye Omukama ogwo tindikumumanya, mara kandi Abaisiraeli tindikubataishura.”

Okuruga 7:1

Omukama agambira Musa ati, “Lea, nakushushanisa Ruhanga ahali Farao, kandi Aroni murumuna wawe niwe aramukugambilira.

Okuruga 9:16

Kyonkai aha rw'enshonga egi nkulekire buleka kukwoleka obushobora bwange, eiranga lyange limanyike omu nsi yona.

Isaya 42:20

Isiraeli eby'oraboine biba bingi, kyonkai bikutambaki? Amatwi g'okuhulira ogagira, kyonkai orahuliireki?

Isaya 63:12

Alihai ayahaire Musa obushobora kukora eby'okutangaza? Alihai Omukama ayabasiize enyanja, kwema aho akabona eiranga elitalihwaho eirai lyona,

Isaya 63:14

Mwoyo w'Omukama akabatunga emilembe, nk'okwo basongora ente omu ruhanga rw'eitonjo. Akebembera abantube abone kuhaisa eibaralye ekitinwa.

Yeremia 32:20

Okakora obubonero n'ebitangazo omuli Misiri, na mambwenu okyabikora, omuli Isiraeli n'omu mahanga agandi gona, mara nikyo olikumanyikira buli hantu.

Ezekieli 20:9

Kyonkai tinatwaize ntyo aha rw'okutenda kwejumisa mu mahanga ago babaire batwiremu, ago nabaire nyemanyisize orwo naihire Isiraeli omu nsi ya Misiri.

Danieli 4:37

Omu kanya aka inye Nebukadineza nsingiza Omukama w'omw'iguru nimuha ekitinwa aha rw'okuba akora eby'obuhangazi mara aba w'amazima. Kandi bona abekuza abatera aha mutwe.”

Danieli 5:23

Ogizire eikuru wajeemera Omukama ow'omw'iguru; bakuletera ebikwato bya Rwensingaye wabinyweramu edivai, iwe n'abami bawe n'abakazi bawe, n'ensholeke zawe. Mwasingiza ebishushani bya baruhanga abakozirwe efeza, ezahabu, omulinga, ekyoma, omuti n'amabare, ebitabona, anga ebitahulira, anga ebitamanya. Kyonkai Ruhanga ow'oburora bwawe bwemeleireho, ogwo akwemamu omuli byona eby'okakora tomuhaire kitinwa.

Danieli 9:15

“Waitu Mukama Ruhanga waitu, okatwoleka obushobora bwawe orwo waihire eihanga lyawe Misiri. Obushobora bwawe obwo tukyabwijuka. Kandi twashuba twakufakalira, twakukora kubi.

Ebikorwa 7:36

Akakora ebitangazo omuli Misiri, yashuba yaihya Abaisiraeli abo omu nsi egyo. Ebitangazo ebindi yabikolera aha Nyanja Rutuku n'omw'irungu emyaka 40.

Abaroma 9:17

n'ebihandiko nibigambira Farao biti, “Nkakuha obukama kukwolekeraho obushobora bwange obuli omuli iwe, eibara lyange lirangaanwe omu nsi zona.”

Obwijukiro 4:34

Haliho ruhanga arazilize kugenda kweihira eihanga omu ihanga elindi n'ebibundo, n'obubonero, n'ebitangazo, n'endashana n'obushobora bungi, hamoi n'eby'okutiinisa muno nka byona eby'Omukama Ruhanga wanyu yabakoleire muli Misiri nimubona?

Obwijukiro 7:19

ebibundo by'amani ebyo wayeboneire n'obubonero n'ebitangazo n'obushobora bw'amani gangi, eby'Omukama Ruhanga wawe yakwihisizeyo. Nikwo alikora atyo amahanga gona ag'olikutinai.

1 Petero 5:5

Kutyo nainywe abali bato muhulire abagurusi banyu. Mugilirangane obwetohya, nomanya, “Ruhanga tayenda baina ikuru, kandi abetohya nibo agilira ekisha.”