Nehemia 8:6 - Ebibulia 2001

⁶ Ezira asingiza Omukama Ruhanga omukuru. Abantu bona bahorora bati, “Amina, Amina,” baimukize emikono yabo, bainika emitwe bafukamira Omukama obuso nibukanga aha itaka.

Nehemia 8:6 Iomraidhean Croise

Embandizo 14:22

Aburamu amushubamu ati, “Ninahira obuso bw'Omukama Ruhanga Rukirabyona, omutonzi w'eiguru n'ensi,

Embandizo 24:26

Omushaija ainama afukamira Omukama,

1 Amakuru 16:36

Ahaisilizibwe Omukama Ruhanga wa Isiraeli, kwema eirai lyona kuhika eirai lyona!” Aho abantu bona bagamba bati, “Amina!” Mara Omukama asingizibwe.

1 Amakuru 29:10

Aha rw'ekyo Daudi asingiza Omukama omu maisho g'embaga yona, agamba ati, “Osingizibwe, waitu Ruhanga wa baisheichwe eirai n'eirai.

1 Amakuru 29:20

Aho Daudi agambira enteko yona ati, “Musingize Omukama Ruhanga wanyu.” Enteko yona esingiza Omukama Ruhanga wa baishebo, bainama bafukamira Omukama, bashuba baha Omukama ekitinwa.

2 Amakuru 20:18

Nirwo Yehoshafati yabandamire obuso bukagoba aha itaka, na Yuda yona n'aba Yerusalemu babandamira Omukama, bamufukamira.

2 Amakuru 29:10

Mbwenu inye n'inyenda kukora endagano n'Omukama Ruhanga wa Isiraeli atuganyire, alekera kutunigalira.

2 Amakuru 29:30

Omukama Hezekia n'abatwazi baragira Abalevita kusingiza Omukama n'empoya eza Daudi na Asafu kaboni. Bahoya nibasingiza Omukama nibashemelerwa, bainama bafukamira Ruhanga.

2 Amakuru 6:4

Agamba ati, “Ahaisilizibwe Omukama Ruhanga wa Isiraeli, omu bushoborabwe agobesheleize ekyo yaraganisize tata Daudi, ati,

Nehemia 5:13

Nshuba nkunkumura omuheko, ngamba nti, “Nikwo Ruhanga arakunkumura atyo buli muntu omwe n'aha mulimogwe; araba atahikize kiragano eki, akunkumurwe atyo mara asigare bushai.” Embaga yona egamba eti, “Amina!” Mara basingiza Omukama. Abantu bakora okwo baragana.

Nehemia 8:7

Yeshua kwakwo na Bani, Sherebia, Yamini, Akubu, Shabetai, Hodia, Maaseya, Kelita, Azaria, Yozabadi, Hanani, Pelaya n'Abalevita, bashoborora abantu, abantu bonene bali omu myanya yabo.

Ezaburi 134:2

Imukya emikono mugyolekeize ahatakatifu, musingize Omukama!

Ezaburi 141:2

Enshara yange echunke nk'obunuma omu mabona gawe, ekiimukize ky'emikono yange kishushe ekitambo kya bwaigoro!

Ezaburi 28:2

Hulira eiraka ly'enshara yange, ndiho ninkutakira k'onjuna, nyimukize emikono, ngyolekeize ahatakatifu hawe.

Ezaburi 41:13

Asingizibwe Omukama Ruhanga wa Isiraeli, kwema obukiro bwona, kuturuka obukiro bwona! Amina! Amina!

Ezaburi 63:4

Nikwo ndikuhaisiliza oburora bwange bwona; emikono ngiteke eiguru nkushabe.

Ezaburi 95:3

Aha rw'okuba Omukama Ruhanga aba muhango, Omukama nyakutununta akira baruhanga bona.

Okuruga 12:27

Mugambe muti, ‘Kitambo kya Pasika y'Omukama, aha rw'enshonga nirwo yahingwire amaju g'Abaisiraeli omuli Misiri, akaita Abamisiri kyonkai amaju gaitu yagahungya.’ ” Aho abantu bainika emitwe bafukama.

Okuruga 4:31

Aho abantu baikiliza; kandi kabahuliire okwo Omukama yabasingiire n'okwo yabaire yaboine enaku ezo babaire balimu, bainama bafukama.

Yeremia 28:6

namugira nti, “Amina! Omukama n'asinge atyo; n'asinge ebyo wagamba abigobesheleze, agarure omu nsi egi ebikwato bya Rwensingaye kuruga Babiloni n'abazahe bona.

Okutongya 3:41

Twimukye emitima n'emikono yaitu ahali Ruhanga ow'omw'iguru, tugire tuti,

Eby'abalevita 9:24

Omuliro guzibuka omu maisho g'Omukama, gwokeza kimoi ekihongo ky'okwokibwa n'ebishaju ahali alutare. Orwo abantu bona baguboine, batamu enduru, bajumara ahansi.

Matayo 26:39

Agendaho akatambi kake ajumara ahansi ashaba ati, “Tata, kakilikushoboka ekikompe eki kimpingure; kyonkai bitaba kwo inye ndikwenda, shana bibe okwo iwe olikwenda.”

Matayo 6:13

Batatutahya mu bilengeso. Mara baturokore aha Mubisha.

1 Abakorinto 14:16

K'orasiimisa Ruhanga omwoyo, omuntu owa buli kiro atalikushobokerwa aragamba ati “Amina” orwo oramara kusiima?

Abaefeso 1:3

Ahaisilizibwe Ruhanga mara Ishe Omukama waitu Yesu Kirisito, ayatungire emyoyo yaitu kaishe mugisha ogw'omw'iguru, aha rw'okujwangana kwaitu na Kirisito.

1 Timoteo 2:8

N'inyenda buli hantu abashaija babe nibo bata nibashoma enshara, baimukize emikono nyakatetere, abashaija enzira biniga na mpaka.

1 Petero 1:3

Nakasinge Ruhanga Ishe Omukama waitu Yesu Kirisito! Aha rw'obuganyizibwe obungi tukazarwa bundi buhya, twagira eshubi ey'ebiro byona aha rw'okuba Yesu Kirisito akahimbuka omu bafu.

Okushurulirwa 7:11

Abamalaika bona bemelera bazingoire enketo, bazingora n'abagurusi n'ebitondwa binai ebilikurora, bajumara ahansi omu mabona g'enketo bafukamira Ruhanga,