Nehemia 8:16 - Ebibulia 2001

¹⁶ Bagenda bagaleta, bakora ensisira zabo, buli omoi aha rushwi rw'enjuye, n'omu bibuga byabo, n'omuli nyakabuga za Rwensinga, n'omuli nyarubuga y'Ekihigi ky'Amaizi n'omuli nyarubuga y'Ekihigi kya Efraimu.

Nehemia 8:16 Iomraidhean Croise

2 Samweli 11:2

Ekiro kimoi eizoba lyaija kutobera Daudi aimuka aha kitandakye, agendagenda aha rushwi rw'enju y'Omukama. Kayabaire ayemeleireho abona omukazi nayoga. Omukazi ogwo hakaba ali murungi muno.

2 Abakama 14:13

Yehoashi omukama wa Isiraeli akwata Amazia eya Yehoashi omukama wa Yuda, Yehoashi eya Ahazia, amukwatira Betishemeshi. Eboma ya Yerusalemu agitema nk'emita bikumi bibili, kwema aha Kihigi kya Efraimu kugoba aha Kihigi ky'pembe.

2 Amakuru 20:5

Yehoshafati ayemelera omu mbaga eyarugire Yuda na Yerusalemu, omuli nyakabuga empya eya Rwensinga y'Omukama,

2 Amakuru 33:5

Enyanyinyi nazo yazombekera ealutare etali emoi omuli nyakabuga zombili za Rwensinga y'Omukama.

Nehemia 12:37

Aha Kihigi ky'Enchuro bagenda bemeleize, baraba aha matembero g'Ekigo kya Daudi aha butemba bw'eboma, eiguru y'ekikaare kya Daudi, kuhika Ekihigi ky'Amaizi oburugaizoba.

Nehemia 12:39

n'eiguru y'Ekihigi kya Efraimu, n'aha Kihigi Ekikuru, n'aha Kihigi ky'Enfuru, n'aha Munara gwa Hanaeli, n'aha Munara gw'Ekikumi kugoba aha Kihigi ky'Entaama; bagoba aha bwemelero aha Kihigi ky'Omulinzi.

Nehemia 3:26

n'abakozi ba Rwensinga abaikaraga Ofeli omuli Yerusalemu, bashemeza bwolekera Ekihigi ky'Amaizi oburugaizoba n'omunara gw'okulinda Rwensinga.

Nehemia 8:1

Abantu bona bahurura n'omutima gumoi omuli nyarubuga omu maisho g'Ekihigi ky'Amaizi. Bagambira omuhandiki Ezira mara omukuhani kuleta Ekitabo ky'Amateka ga Musa ag'Omukama yahaire Isiraeli.

Nehemia 8:3

Akishoma alebire nyarubuga ey'omu maisho g'Ekihigi ky'Amaizi, kwema bwankya karai kugoba omw'ihangwe. Kandi abantu bona bahuliliza kurungi ekitabo ekyo.

Yeremia 19:13

Amaju ga Yerusalemu n'amaju g'abakama ba Yuda, nangu n'amaju gona ago bayoteire obunuma aha nshwi zago nibabwotera enyanyinyi, bakagisheshaho edivai nibagitambira baruhanga abandi, amaju ago gona galihagara nka Tofeti.’ ”

Yeremia 32:29

Abakalidayo abalikurashanisa ekigo eki barakitaho omuliro, n'amaju bagokye mbali abantu batura nibotera Baali obunuma n'okuhongera baruhanga abandi ebihongo by'okunywa aha nshozi zaho, bakannigaza.

Obwijukiro 22:8

“K'olyombeka enju, ogyombekeho n'akago aha rushwi, otaija okaletera enju yawe entambara y'obwitamuntu. Kuba omuntu yakwema aha rushwi akuntuka.