Nehemia 8:10 - Ebibulia 2001

¹⁰ Aho abagambira ati, “Iroko mutahe, mulye ebishaire, munywe edivai elikunura, mugemulire n'olinya ataina kantu; enshonga ekiro eki kitakatifu ky'Omukama waitu, mutajunara, manya ebyera by'Omukama alikubaha nigo mani ganyu.”

Nehemia 8:10 Iomraidhean Croise

1 Abakama 8:66

Aha kiro kya munana Omukama Solomoni ataishura enteko, nayo emurazage, bashuba omuka nibashemelerwa nibashanduka omu mitima aha rw'ebirungi eby'Omukama Ruhanga yakoleire Daudi omwiruwe, na Isiraeli eihangalye.

1 Amakuru 16:27

Ekitiinwa n'obukuru bimwebembeire, obushobora n'amashemelerwa bili mbali asingiire.

Nehemia 8:11

Kityo Abalevita batebekanisa embaga yona bati, “Muchulere, ekiro eki kitakatifu; mutajunara.”

Nehemia 8:12

Abantu bona bagya omuka, balya, banywa, bagemura, bashemelerwa muno, kuba bakashobokerwa ebigambo ebyo babagambiire.

Esita(Hebrew) 9:19

Aha rw'ekyo Abayahudi ab'omu byaro, abatura omu bigo ebitaina boma, bahumuraga aha kiro kya ikumi na binai ky'omwezi gwa Adari. Kyabaga kiro ky'amagenyi n'amashemelerwa, kiro ky'ekyosi, kiro ky'okugemulirangana ebyakulya.

Esita(Hebrew) 9:22

kuba nibyo biro orwo Abayahudi bayeyugurwize omu mikono y'ababisha babo. Nigwo mwezi gw'obujune ogwatabukirwemu ebyera, okuchura kwabarugiramu amagenyi; kuta nibabishemeza buli biro bikuru by'amashemelerwa, kugemulirangana ebyakulya n'okuha abanaku eshumbusho.

Ezaburi 149:2

Isiraeli ashemelerwe Omutonziwe, abantu ba Sioni bashandukire Mukama wabo!

Ezaburi 89:17

N'iwe mani gabo owo bebuga; aha rw'engonzi zawe otuha okusinga endashana.

Emigani 17:22

Ebyera by'aha mutima mubazi gutamba, kyonkai omutima oguchuramiirwe gumara omuntu aha magufa.

Mwegesa 11:2

Eky'oinakyo okibegane n'abantu mushanju anga munana, okuba tolikumanya naku ziligwera nsi.

Mwegesa 2:24

Taliho kishemelera muntu kushaga okulya n'okunywa, n'okushemelerwa eby'akoleire. Eki nakyo okwo nakiboine omu bushobora bwa Ruhanga,

Mwegesa 3:13

Kwakwo nimanya okwo Ruhanga yahaire buli muntu egabo y'okulya n'okunywa n'okushemelerwa byona ebyo akora bikagoshoka.

Mwegesa 5:18

Ekyo naboine kisaine mara kili kirungi, muntu kulya akanywa eby'akozire, abibonemu amagoba omu burorabwe obugufi omu nsi omu obwo Ruhanga yamutungire. Eki nakyo kiba kyemba aha muntu.

Mwegesa 9:7

Ogende olye akakulya kawe n'amashemelerwa, onywe n'akadivai kawe n'ebyera, enshonga eby'olikukora Ruhanga yabisiimire.

Oruhoya 5:1

Ninyija omu ndimiro yange, munyanyazi, mugore wange, ninshombokya mira yange n'ebirungo byange, nindya ekigabo kyange n'obwoki bwange, ninywa edivai yange n'amatai gange. Mulye, batahi bange, mara munywe; Munywe munyoire inywe bagonzibwa.

Isaya 49:5

Omukama akandonda ntakazairwe; yandonka kuba mwiruwe kugarura eihangalye ahali wenene, kugarura Abaisiraeli abahweleire omw'ishwa. Omukama antungire ekitinwa; n'iwe ntabuko y'amani gange.

Isaya 61:10

Omukama ndimushemelerwa muno munonga, kuba anjwekire ebijwaro by'okundokora, obugorogoki niyo kanzu eyo antairemu. Nashusha kishwera ayelengize n'orukinga rw'amaua; nashusha omugore ayelengize n'amabare g'eiguzi.

Yoeli 2:23

Aba Sioni mushanduke, mushemelerwe Omukama Ruhanga wanyu. Abahaire enjura y'omuhanguko omu kirumo kyayo, yabagwisiza enjura emazire. Ey'omuhanguko n'ey'etoigo abahaire nk'ey'orwa mbere.

Zekaria 14:21

Kandi buli nyungu omuli Yerusalemu na Yuda baligihongera Omukama w'amahe. Abaraijaga kutamba ebitambo bazikwatega bazichumbiremu enyama y'ekitambo kyabo. Mara kwema kir'ekyo omuli Rwensinga y'Omukama w'amahe baliba batakitundiramu.

Luka 11:41

Ebibali omunda bibe nibyo biba shumbusho eyo mwaha abanaku; aho buli kantu kanyu karaba kezire.

2 Abakorinto 8:2

Bakalengwa omu biyengo bingi ebyo barabiremu; kyonkai bakashemelerwa muno, baba bafura ebishobeize, bajuna banu, n'orwo kaziro bali banaku muno.

Abafilipi 3:4

n'orwo inye kandi ndikushobora kubyesiga. K'omuntu araba nabona nashobora kwesiga eby'aheru, leronu inye ninshagaho:

Okushurulirwa 11:10

Abanyansi barayeshanda bashemelerwe, bagemulirangane, aha rw'okuba abarangi aba bombili bakabonesa abanyansi enaku.

1 Samweli 25:8

Obaze abasigazi bawe barakugambira. Aha rw'ekyo abasigazi bange obakilire kurungi, ahakuba twaija aha kiro kikuru. Ninkushaba abairu bawe na mutabani wawe Daudi obahe kyona kyona aky'oinakyo.’ ”