Nehemia 2:8 - Ebibulia 2001

⁸ n'ebarua y'okutwalira Asafu omukumilizi w'ekibira ky'omukama, ampe emiti y'okusharamu embaho z'ebihigi by'eboma ya Rwensinga, n'eboma y'ekigo, n'enju eyo ndaturamu.” Omukama antunga ebyo nashaba, kuba Ruhanga akaba anyemiremu.

Nehemia 2:8 Iomraidhean Croise

Embandizo 32:28

Aho omushaija ogwo ati, “Eibara lyawe tokyetwa Yakobo rundi; orayetwaga Isiraeli, wafukana na Ruhanga n'abantu wabasinga.”

Ezira 5:5

Nawe Ruhanga wabo ashangwa nayemera abebembezi b'Abayahudi, tibabemeleize kuhika orwo amakuru ago gagobire Dario, na wenene akabahoroza ebarua aha kigambo eki.

Ezira 6:22

Ebiro mushanju bekomya Ekiro Kikuru ky'emikate etatumbisiibwe n'ebyera, Omukama abatunga ebyera n'amashemelerwa, ahindura omukama wa Asiria abagonza abahwera omw'ikora lya Rwensinga ya Ruhanga, Ruhanga wa Isiraeli.

Ezira 6:8

Kandi nataho omuku aha byo murakolera abagurusi aba b'Abayahudi aha kwombeka buhya Rwensinga yabo. Abashaija aba bahabwe empiha z'elyombeka ezigobire mara obuzira kukelererwa. Ziruge omu nshaho y'obukama, nigwo mushoro gw'omukoa Buseli bw'Omwiga gwa Efurati.

Ezira 7:6

Ezira ogwo akaba ali muhandiki mara ali mubuya w'AMateka ga Musa, ag'Omukama Ruhanga wa Isiraeli yabaire amuhaire. Omukama Aritashasita yamutungaga byona ebyo yashabaga aha rw'okuba Omukama Ruhangawe akaba amwemiremu.

Ezira 7:9

Akaimukya Babiloni aha kiro kya mbere ky'omwezi gwa mbere, yagoba Yerusalemu aha kiro kya mbere ky'omwezi gwa katanu, na Ruhanga akaba amwemiremu.

Nehemia 7:2

Nataho murumuna wange Hanani, na Hanania omulebelezi w'eboma kutwara Yerusalemu. Hanania akaba ali mwesigwa, mara mushaija alikutina Ruhanga kukira bangi.

Emigani 21:1

Omukama niwe aina obushobora aha mutwazi, nk'okwo okumworobera kuhabura omugera gw'amaizi.

Mwegesa 2:5

Nkalima ebusitani nabyaramu emiti y'ebiraba eya buli ngeli.

Mwegesa 2:6

Nalima ebitunga by'okutahamu amaizi g'okwitilira emiti egyo k'ekura.

Isaya 66:14

Orwo mulibona okwo ebi byabaho, mulishemelerwa, muligeija nk'obunyasi. Aho mulimanya okwo inye Omukama, njuna abampulira, kandi abannoba mbabonabonyie.”

Danieli 1:9

Ruhanga asingira Danieli, aganja omukobe mukuru amukolera n'obufura;

Ebikorwa 26:22

Kuturuka kir'eki Ruhanga aikara nanjuna, na mbwenu nikwo nyemeleire aha ningambira abake n'abahango, ti kindi shana eby'abarangi na Musa bagambire okwo bilibaho;

Ebikorwa 7:10

yamwihya omu nakuze zona, yamuha obuganzi n'obumanyi ahali Farao omukama wa Misiri. Farao yamuha obugavana ahali Misiri yona, yamuteka n'ekaye omu mikono.

2 Abakorinto 8:16

Omukama nakasinge alikutamu Tito ekihika kyonene kyonene eky'okubajuna.