Nehemia 1:10 - Ebibulia 2001

¹⁰ Bonene bairu bawe mara ihanga lyawe, abo wachungwize obushobora bwawe n'amani gawe agangi.

Nehemia 1:10 Iomraidhean Croise

Ezaburi 136:12

Akabaihisayo amanige n'obushoborabwe, aha rw'okuba ekishakye ky'eirai lyona.

Ezaburi 74:2

Oijuke enteko yawe, eyo wayeronkeire kwema karai, eyo wachungwire k'eba ihanga lyawe nyabwawe! Oijuke eibanga lya Sioni mbali otura.

Ezaburi 89:14

Emisingi y'enketo yawe bugorogoki n'ehaki; ekisha n'obwesigwa bigenda bikwebembeire.

Okuruga 13:14

Omu biro ebilija mutabani wawe k'alikubaza ati, ‘Eki kina nshongaki?’ Omugambire oti, ‘Omukama akatwihya Misiri omu bwiru, yatwihisayo obushobora bw'amani.

Okuruga 13:16

Okushemeza ekiro kikuru kya Pasika kubega kaijukiro, nk'ekintu ekikomirwe aha mukono anga aha buso, aha rw'okuba Omukama akatwihisa Misiri obushobora bw'amani.”

Okuruga 13:3

Musa agambira abantu ati, “Mwijukega ekiro eki ekyo mwarugiiremu Misiri, omu bwiru; Omukama akabaihya omu nsi egyo omu bushoborabwe, kityo mutalilya mukate gutumbisiibwe.

Okuruga 13:9

Okukora ekiro kikuru eki kurabaga kaijukiro nk'ekintu ekikukomirwe aha mukono anga aha buso. Kukwijukyega kwikara noshubamu Amateka g'Omukama, aha rw'okuba akakwihya Misiri n'obushobora bw'amani.

Okuruga 15:13

Omu kisha kyawe ochungwire abantu bawe, washuba wabebembera, omu mani gawe obahabwire wabagobya omu nsi yawe entakatifu.

Okuruga 32:11

Nawe Musa atagiliza Omukama Ruhangawe, ati, “Waitu Mukama, kubaki nonigalira abantu bawe abo oihire Misiri n'obushobora bungi?

Okuruga 6:1

Aho Omukama agambira Musa ati, “Mbwenu orabona ekyo ndakora Farao. Ndamugimba ataishure abantu bange. Ndamugimba ababinge omu nsiye.”

Okuruga 6:6

Aha rw'ekyo ogambire Abaisiraeli abo oti, ‘Omukama n'inye, ndabaihya omu bwiru bw'Abamisiri. Ndakoza obushobora bwange bungi mbahe ekibonabonyio ky'amani kandi inywe mbarokore.

Okuruga 6:7

Ndabahindura bantu bange, inye mbe Ruhanga wanyu; mara muramanya okwo ndi Mukama Ruhanga wanyu, orwo ndaba nabaihire omu bwiru bw'Abamisiri.

Isaya 64:9

Waitu Mukama, leka kunigara okashagulirana; leka kwikara oijukire entambara zaitu. Ichwena tuli bantu bawe, singa otuganyire.

Obwijukiro 15:15

Olijuka okwo wabaire oli mwiru omu nsi ya Misiri, n'okwo Omukama Ruhanga wawe yakuchungwire. Aha rw'ekyo ninkuragira ntyo kir'eki.

Obwijukiro 9:29

Abantu aba baba ndonkwa zawe, okabaihya Misiri n'obushobora bungi n'amani.’ ”