Danieli 9:9 - Ebibulia 2001

⁹ Omukama Ruhanga waitu agira obuganyizi, n'iwe agarulira n'orwo ichwe twakushengire.

Danieli 9:9 Iomraidhean Croise

2 Samweli 24:14

Aho Daudi agambira Gadi ati, “Nashoberwa muno; hakili Omukama atweitire, okuba obuganyizibwe bungi; ntaitwa muntu.”

1 Abakama 8:30

Singa ohulire okutaka kw'omwiru wawe n'okw'abantu bawe ba Isiraeli, kabarashomaga enshara bolekeire omwanya ogu. Singa oyeme omw'iguru omu businge bwawe, otuhulire; mara orw'orakatuhuliraga otuganyire.

Nehemia 9:31

Kyonkai omu buganyizi bwawe obungi muno tiwabasilikize anga kubanagirana, aha rw'okuba iwe oba Ruhanga ow'ekisha mara omuganyizi.”

Ezaburi 130:4

Kyonkai iwe ogira obuganyizi, nirwo obona kutinwa.

Ezaburi 130:7

Iwe Isiraeli oshuubire Omukama! Aha rw'okuba Omukama aina ekisha, n'iwe muchunguzi atagambwa.

Ezaburi 62:12

n'okwo Omukama agira ekisha. Iwe wenene, waitu Mukama, buli muntu omurongora kuhondera ebigirobye.

Ezaburi 86:15

Kyonkai iwe, waitu Mukama, oba Ruhanga omuganyizi mara omunyakisha; tonigara bwangu, kandi ogira ekisha kingi muno, n'obwesigwa butakubuzireho.

Ezaburi 86:5

Waitu Mukama, oba murungi mara muganyizi, abakushomaho enshara bona, obagilira ekisha kingi.

Isaya 55:7

Omubi alekere emizeye, omufakare alekere emitekelerezeye. Agaruke aha Mukama amuganyiire, agaruke ahali Ruhanga waitu, kuba aramugarulira byona.”

Isaya 63:7

Inye ndyebuga ekisha ky'Omukama n'ekitinwakye, kuhonderana na byona ebyo atutungire. Atungire Abaisiraeli omugisha gungi muno aha rw'enshonga y'obuganyizibwe n'ekishakye ekingi muno.

Yeremia 14:7

Inywe bantu bange muntakire muti, ‘N'orwo tuli bafakare waitu Mukama, singa otujune aha rw'eibara lyawe. Tushubire muno enyuma, tukufakaliire.

Ezekieli 20:13

Kyonkai eihanga lya Isiraeli likanshengera omw'irungu. Tibakwete biragiro byange; emigenzo yange bagyanga, mara ebyo nibyo omuntu alyekomya akarora. Na Sabato zange bakazihagaza muno.” “Aho ntekeleza kubamaliraho ekiniga omw'irungu, kubaita nkabamaliraho kimoi.

Danieli 9:5

ichwe tukafakara, twashobya, twakora kubi, mara twakushenga, orwo twachwire emihango yawe n'emigenzo yawe.

Danieli 9:6

Tukanga kuhuliliza abairu bawe, abarangi, abo watumire kugambira abakama baitu, n'abatwazi baitu, na batatenkurw'ichwe, n'eihanga lyaitu lyona.

Danieli 9:7

Iwe Mukama waitu, n'iwe wenkai oba mugorogoki; kyonkai ichwe tukegora. Ichwena twina enshoni. Abaisiraeli abali Yuda, Yerusalemu, n'abandi abo wanaganagire omu mahanga, agali haihi n'agali harai, ahakuba titwabaire besigwa ahali iwe.

Danieli 9:8

Ichwe waitu Mukama, enshoni zituli kubi, hamoi n'abakama baitu, abatwazi baitu na batatenkurw'ichwe, enshonga tukahemuka orwo twakufakaliire.

Yona 4:2

Ashaba aha Mukama ati, “Waitu Mukama, eki tikyo nagambire orwo nabaire nkyali omwaitu? Nikyo nayanguhiire kwirukira Tarishishi. Nkamanya okw'oba Ruhanga omufura n'omuganyizi atanigara bwangu, kandi ogira ekisha; n'orwo oba wagondize kubonabonyia omuntu oyeiza, omuleka.