Danieli 9:7 - Ebibulia 2001

⁷ Iwe Mukama waitu, n'iwe wenkai oba mugorogoki; kyonkai ichwe tukegora. Ichwena twina enshoni. Abaisiraeli abali Yuda, Yerusalemu, n'abandi abo wanaganagire omu mahanga, agali haihi n'agali harai, ahakuba titwabaire besigwa ahali iwe.

Danieli 9:7 Iomraidhean Croise

Ezira 9:13

N'orwo tubaire twaboine ekibonabonyio nituzira amafu gaitu n'entambara zaitu, tuboine okwo nangu n'ekibonabonyio ekyo kitasaine ntambara zaitu ezo, washuba watuhungya na mwaha.

Ezira 9:15

Waitu Mukama Ruhanga wa Isiraeli, iwe oba w'amazima, kyonkai okatukiza, leba abahungire n'ichwe aha. Tuli omu maisho gawe nitukutonganaho, kyonkai twaba tutasaine kwemelera omu mabona gawe orwo tuli babi.”

Nehemia 9:33

Kyonkai omu bitugwireho byona obaire w'amazima, enshonga okatukorage ichwe twakukora kubi.

Ezaburi 119:137

Waitu Mukama oba mugorogoki, n'eiramu lyawe ly'amazima.

Ezaburi 44:15

Wankwasa enshoni omushana gwona, enshoni zambunda aha maisho,

Ezaburi 51:14

Waitu Ruhanga, banjune ntaliita muntu, iwe Ruhanga Omurokozi wange, orulimi rwange rukwebuge, Murokozi wange.

Ezaburi 51:4

Iwe wenkai, n'iwe nfakaliire, nahena omu maisho gawe, niyo nshonga osaine kundamura, mara eiramu lyawe liba ly'amazima.

Isaya 11:11

Kir'ekyo Omukama aliimukya omukono omurundi gwa kabili, kurokora abantube atuliba baruhonokireho, abaihye Asiria, Misiri, Petorosi, Etiopia, Elamu, Shinari, Hamati n'aha myaro y'enyanja.

Isaya 45:16

Bona abakora ebishushani baliitwa enshoni, bashoberwe, bona babumbulikwe.

Yeremia 12:1

Waitu Mukama, oba mugorogoki n'orwo ndikukweboroboitera. Kyonkai kandi kanyetelere omushango ahali iwe. Kubaki eby'abafakare bakora bigoshoka? Kubaki eby'engobya zona bigenduka?

Yeremia 23:6

Omu butwazibwe abantu ba Yuda baligira omuraro gurungi, kandi Isiraeli elitura omu milembe. Eibara balimweta bati: ‘Omukama n'iwe aturokora.’ ”

Yeremia 24:9

Ndabashekeleza engoma zabo, babajume, babachweho emigani, babageye mara babakeene buli hantu mbali ndababinga bakagya.

Yeremia 3:25

Enshoni zituli kubi, tugokire, tituli ba kuzoka mu bantu. Ichwe na batatenkurw'ichwe kwema omu buto kugoba mambwenu tutura nitufakalira Omukama Ruhanga waitu. Taliho orwo turahuliire ebyo Omukama Ruhanga waitu atugambira.”

Yeremia 32:32

aha rw'entambara ezo Abaisiraeli n'aba Yuda barakozire bakankwasa ekiniga kubandiza aha bakama babo, abatwazi, abakuhani n'abarangi, kugoba aha ba Yuda n'aba Yerusalemu.

Yeremia 33:16

Omu bukiro obwo aba Yuda balirokoka, kandi Yerusalemu eligira emilembe. Yerusalemu elyetwa eti, ‘Omukama n'iwe Murokozi waitu.’ ”

Yeremia 4:17

Yerusalemu bagibunda okwo abantu balinda endimiro, kuba ekigo ekyo kinshengire. Alikugamba n'inye Omukama.

Yeremia 7:19

Mbwenu inye Omukama kambaze: Nibashasa inye? Manya nibeshasa bonene, nibehemura.

Ezekieli 16:63

nirwo oraijuka enshoni zikakubunda, mara tozize kubona kya kugamba aha rw'enshoni ezo orwo ndakugarulira byona ebyo wakakozire. Alikugamba n'inye Omukama.”

Ezekieli 36:31

Aho mulijuka amahano ago mwakozire, n'ebigiro byanyu ebyabaire bitali birungi. Mulyenuga aha rw'entambara zanyu n'amahano ago mwakozire.

Ezekieli 5:10

Omuli Yerusalemu baishebantu balilya abaana babo, n'abaana balilya baishebo. Ndibabonabonyia inywe, kandi abalihonoka ndibaanaganaga omu mahanga gona.

Ezekieli 6:12

Ali harai araitwa endwara, ali haihi araitwa embanda; kandi arasigaraho akahonoka araitwa enjara. Nikwo ndabanigalira ntyo.

Danieli 9:14

Iwe waitu Mukama Ruhanga waitu okaba osaine otubonabonyie nk'okwo watubonabonyize, kuba iwe buli kanya okora ebili by'amazima. Ichwe n'ichwe tutakuhuliire.”

Danieli 9:18

Tuhuliire, waitu Ruhanga, batunagire elisho, balebe enaku ezo tulimu, n'obushasi bw'ekigo ekilikwetelerwa ahali iwe. Nitukushaba aha rw'okuba oba muganyizi, titulikukushaba aha rw'okugira tuti ichwe tukozirege.

Danieli 9:8

Ichwe waitu Mukama, enshoni zituli kubi, hamoi n'abakama baitu, abatwazi baitu na batatenkurw'ichwe, enshonga tukahemuka orwo twakufakaliire.

Amosi 9:9

“Nditaho omuku Abaisiraeli omu mahanga gona mbachechebe okwo omuntu achecheba engano omu kayungiro kyonkai enjuma n'emoi etaragaire hansi.

Abaroma 6:21

Kyonkai mbwenu ebintu ebilikubakwasa enshoni mwaha mukyabibonamu mugashoki? Endekelero y'ebintu ebyo ni rufu.

Obwijukiro 32:4

“Rwazi, omulimogwe guhikilire; ahakuba emihandaye yona mazima. Ruhanga ow'obwesigwa mara enzira kabi, omunyamazima mara ali omw'iteka.

Obwijukiro 4:27

Omukama alibanaganaga omu mahanga, na yonene kulinya mulisigaraho bake.