Danieli 9:3 - Ebibulia 2001

³ Aho nyirukira Omukama Ruhanga wange, njwara orugunia, nyesiiga eijwi, nsiiba, nshoma enshara, mara mutagiliza.

Danieli 9:3 Iomraidhean Croise

2 Samweli 12:16

Orw'ekyo Daudi atagiliza Ruhanga kumukiliza omwanawe. Abyama ahansi n'okulya ayanga.

Ezira 10:6

Aho Ezira aruga omu maisho ga Rwensinga, agenda omu kiyumba kya Yehohanani eya Eliashibu, aba nimwo arara, tiyaliire kyakulya anga kunywa maizi, kuba okugoka kw'abarugire omu buzahe kukamushasa.

Ezira 8:21

Honene aha mwiga ogwo Ahava, ndanga katusiiba, tuketohya ahali Ruhanga waitu k'atwoleka omuhanda gw'emilembe, n'abana baitu n'ebyaitu byona.

Ezira 9:5

Aha izoba ly'ekitambo kya bwaigoro nyimuka nduga mbali nabaire nsiibire, ebijwaro byange n'ebebo yange bitagwire, mbutama ahansi ntekire amajwi, nyanjulira Omukama Ruhanga wange engaro ningamba nti,

Nehemia 9:1

Aha kiro kya makumi gabili na binai eky'omwezi ogwo, Abaisiraeli bahurura basiibire mara bajwete engunia, bekaabire eitaka omu mutwe.

Esita(Hebrew) 4:16

“Ogye ohikanise Abayahudi bona abarashangwa omuli Susa, musiibe kunshabira. Mutalya, mutanywa, ebiro bishatu, kiro na mushana. Inye n'abazana bange kwakwo turasiiba nka inywe. Ahanyuma ndagya obuso, n'orwo kuli kuchwa eiteka. Kandafa nafa.”

Yobu 42:6

Aha rw'ekyo nayeshubaho, nayechuza nayesiga eitaka n'eijwi.”

Ezaburi 35:13

Kyonkai inye, orwo bonene barwaraga, najwaraga orugunia, nyeshasa, nsiiba. Nashomaga enshara omutwe ngwinamize muno.

Isaya 22:12

Kir'ekyo Omukama Ruhanga w'amahe akaragira abantu kuchura bakakemaramu, kumoisa eishoke n'okwekoma engunia.

Yeremia 33:3

“Ontakire ndakuhorora mara nyije nkumanyise ebihango ebishelekire, ebyo otakamanyaga.

Ezekieli 36:37

“Omukama Ruhanga nagamba ati: N'eki ndiikiliza eihanga lya Isiraeli kunshaba kukibakolera: Ndibakanyisa nk'obuhyo bw'entaama.

Danieli 6:10

Danieli kayabimanyire akamanya okwo omuku gwahandikwa gukatebwaho omukono, agenda omwe omu gorofa aha madirisha agabaire golekeire Yerusalemu gakingwirwe. Danieli Ateka amajwi ashoma enshara emirundi eshatu buli kiro, asiima Ruhanga nk'okwo yagiraga.

Danieli 9:2

omu mwaka gwa mbere ogwo aliire engoma, inye nyenene Danieli nkashoma ebitabo namanya emyaka elihinguraho Yerusalemu ekasilika niyo myaka 70, nk'okwo Omukama yagambire omu kanwa k'Omurangi Yeremia.

Danieli 9:20

Ngendelera kushoma enshara, kutongana amafu gange n'ag'eihanga lyange lya Isiraeli, nintagiliza Omukama Ruhanga wange kwombeka buhya Rwensingaye entakatifu.

Danieli 9:4

Nshaba ahali Mukama Ruhanga wange ogwo, nimutonganaho nti, “Waitu Mukama Ruhanga omuhango ow'ekitinwa kingi muno, iwe atachwa ndagano okashuba okagilira ekisha abakugonza nibekomya emihango yawe,

Yoeli 1:13

Inywe bakuhani mwekome engunia muchure, muchure inywe abakozi ba alutare. Inywe bakozi ba ruhanga wange, mutahe Rwensinga murare mweshwekire engunia! Aha rw'okuba ebihongo by'ensano n'eby'okunywa tibikija Rwensinga ya Ruhanga wanyu.

Yoeli 2:12

Omukama nagamba ati, “Nangu na mbwenu mungarukeho n'emitima yanyu yona, musiibe, mulire, muchure.

Yona 3:5

Abantu ba Ninive kwema aha muhango kugoba aha muke bwoli baikiliza ekyo Ruhanga yabaragiraho. Baranga kubaho ekisiibo, bajwara engunia.

Matayo 17:21

Sitani owa ngeli egi talikubingwa kindi shana okushoma enshara n'okusiiba.”]

Luka 2:37

Kwema aho yasigara ali ntumbwakazi kulemwa kugobya emyaka kinana n'enai. Tiyarugire Rwensinga, yata nafukamira Ruhanga kiro na mushana, nasiiba kandi nashoma enshara.

Ebikorwa 10:30

Koroneli agamba ati, “Ebiro binai ebihingwire, omw'izoba nk'eli, mbaire ndi omwange aha saa mwendai ninshoma enshara. Leba omuntu anyemeleire omu maisho ajwete ekijwaro nikimyansa.