Danieli 9:11 - Ebibulia 2001

¹¹ Isiraeli yona ekashaga Amateka gawe, ebyo wagambire yayanga kubihulira. Tukakufakalira walemwa watuteza emiraamo ehandikirwe omu Mateka ga Musa, omwiru wawe.

Danieli 9:11 Iomraidhean Croise

2 Abakama 18:12

Ekibonabonyio ekyo enshonga yakyo tibahuliire iraka lya Mukama Ruhanga wabo, bachwa endaganoye nangu na byona ebyo Musa omwiruwe yaragiire; tibabihuliire anga kubihikya.

2 Abakama 22:16

Omukama nagamba ati, Leba ninyija kuteza omwanya ogu enaku, n'abatuzi bamwo bona kubatura ebigambo by'ekitabo eki eky'omukama wa Yuda ashomire.

Isaya 1:3

Ente emanya mukama wayo, n'endogobe nemanya akaato mtuli mukama wayo agilisizamu. Kyonkai Isiraeli talikumanya; abantu bange titulikushobokerwa.”

Isaya 43:28

Nangu n'abatwazi bawe bakahagaza ahatakatifu hange, manyasi nikyo nasilikiize Yakobo, Isiraeli namukwasa enshoni bamushekelera.

Yeremia 16:11

Iwe obashubiremu oti, ‘Aha rw'okuba Omukama nagamba okwo batat'enkurw'ichwe bamushengire, bakekwata baruhanga abandi bakaba nibo bakolera n'okubafukamira, bamugomera, bachwa Amatekage.

Yeremia 2:29

“Kubaki nimunyeboroboitera? Manya inywena munshengire; alikugamba n'inye Omukama.

Yeremia 30:14

Bagenda banyu bona tibakibaliho; kuba inywe mbateire okwobon'oti muteirwe omubisha; nababonabonyia ntabaganyiire nk'alikubonabonyia ababisha, aha rw'enshonga amafu ganyu gangi, n'entambara yanyu mpango.

Yeremia 32:23

bagitahamu bagilya. Kyonkai ebyo wabagambire tibabihuliire, n'Amateka gawe bagashaga. Ebyo wabahangiire byona taliho kyobahikize. Mbwenu nikyo obateleize enaku ezi zona.

Yeremia 40:3

Mara agikozire kubikwo, yakora okwo yagambire, kuba mukamufakalira, ebyo yagambire timwabihuliire, nikyo enaku ezi zibagweleire.

Yeremia 44:22

Akaba atakishobora kwegumisiliza bihemu byanyu n'amahano ago mwakoraga. Nikyo ensi yanyu ebeleire y'omuraamo, ekasilika ekafa omwebuura, ekaburwa ab'okugituramu na mambwenu.

Yeremia 44:23

Kuba mukotera baruhanga abandi obunuma, mwafakalira Omukama, timwahuliire byo yabagambire. Amatekage, ebiragirobye n'emikuye timwabikwete. Nikyo enaku ezi zibateleire kulemwa kugoba na kir'eki.”

Yeremia 6:19

Iwe nsi naiwe hulira. Leba abantu aba naija kubateza ekibundo, mbature amafu gabo, enshonga ebyo mbagambira tibabyekomya, n'Amateka gange nibagashaima.

Yeremia 9:26

Aba Misiri, aba Yuda, aba Edomu, aba Amoni, aba Moabu, n'abatura omw'irungu bona abasharamemba, kuba amahanga aga gona tigatahiriirwe, kandi n'ab'oruganda rwa Isiraeli bona tibatahiriirwe mu mutima.”

Danieli 9:13

Ebibonabonyio byona ebyagambirwe omu Mateka ga Musa okabituha byona. Mara na mbwenu kutyo, waitu Mukama Ruhanga waitu, titukataireho mani kulekera mafu kuhondera mihango yawe kukushemeleza.

Danieli 9:5

ichwe tukafakara, twashobya, twakora kubi, mara twakushenga, orwo twachwire emihango yawe n'emigenzo yawe.

Zekaria 1:6

Kyonkai ebigambo byange n'ebiragiro byange ebyo nahangiire abairu bange abarangi tibyagobeleire ahali bashwenkurw'inywe? Ahanyuma bakechuza bagamba bati: Okwo Omukama w'amahe ayenzire kutukora aha rw'ebyo tulikukora n'ebyo tulikugira, nikwo atukozire.”

Zekaria 7:12

Emitima yabo bagigumanganisa yashusha enyondobare ngu batahulira mateka na bigambo eby'Omukama w'amahe yabatumireho Mwoyowe omu kanwa k'abarangi abayebembeire. Nikyo yabatamirwe muno.

Zekaria 8:13

Kandi iwe ruganda rwa Yuda, na iwe ihanga lya Isiraeli, okwo murachwirweho omugani omu mahanga bakababona nk'abaraamwa, mbwenu ndabarokora, n'abandi babaherweho omugisha. Mutatina, mumanzare.”

Obwijukiro 8:20

Kamuliba mutahuliire eby'Omukama Ruhanga wanyu alikubagambira, mulisilika nk'amahanga ag'alikusilikya orwo olikutaha omu nsi yago.”