Danieli 8:13 - Ebibulia 2001

¹³ Mpulira omutakatifu omoi nagamba; omutakatifu ondijo abaza ogwo alikugamba ati, “Ebihongo by'okwokibwa ebya buli kiro, mpahosi eihano eli elyaita ensi, ahatakatifu hakakaitilirwa, n'eihe ly'omw'iguru kuterwa emigere, biraberahai ebyo?”

Danieli 8:13 Iomraidhean Croise

Ezaburi 74:10

Waitu Ruhanga, oliberahai n'okujumwa omubisha? Agyeho akujume ebiro byona?

Ezaburi 74:9

Obubonero bwaitu obutakatifu bwatuhwaho; titukina murangi wena wena, mara omuli ichwe talimu alikumanya mbali tulimubonera.

Ezaburi 79:5

Oraberahai, waitu Mukama? Oraikara onigaire ebiro byona? Okutugonza muno kwawe kukunigaze?

Isaya 28:18

Mbwenu orufu orwo mutakitina murabanza kurutina, kuhulira okwo mwaija kufa mugwe omu rujugumbo. K'ekibundo kiratera muratina kubi,

Isaya 6:11

Inye aho ngamba nti, “Waitu Mukama, babe batyo kuhika maki?” Wenene angambira ati, “Kuhika orwo ebigo biliba ndaara, obuzira bataka bamwo, amaju gakanuka omushaka, n'ensi ekaba kifurukwa.

Isaya 63:18

Ichwe eihanga lyawe elitakatifu. Yerusalemu ekaba yaitu akanya kagufi. Mbwenu nekandagilirwa ababisha baitu.

Isaya 9:6

Twazalirwa Omwana, twahabwa Omwana w'omwojo. Engoma eramugya aha mabega, n'eibaralye arayetwa “Mutegeki katangaza, Ruhanga Omushobora, Isheichwe ow'eirai lyona, Omukama w'emilembe.”

Yeremia 12:10

Abashumba abali bangi banyitiire endimiro y'emizabibu, bagilibatilira. Ensi yange enungi bagihindura irungu elitainamu kantu.

Danieli 11:31

“Omu banajeshibe alimu abalihagaza Rwensinga. Balitanga Abaisiraeli kutamba ebitambo bya buli kiro. Bakwate Eihano Nyabuhano babe nilyo bateka ahali altare omuli Rwensinga.

Danieli 12:11

Kwema orwo ebihongo by'okwokibwa bilitangwa, n'Eihano Nyabuhano likagya aha alutare (omuli Rwensinga), haliba hasigairweyo ebiro 1,290.

Danieli 12:8

Nkahulira kushai, tinashobokeirwe. Aho mbaza nti, “Mukama wange, omu halirugwamuki?”

Danieli 4:10

Ebyo mbonekeirwe mbyamire aha kitanda niby'ebi: Mboine omuti guraigurai gumezire omu kangaratete.

Danieli 4:13

“Ebindi ebyo mboine mbyamire niby'ebi: Mboine omulinzi omutakatifu, yaija naruga omw'iguru.

Danieli 4:23

Omulinzi omutakatifu ow'oboine naija kuruga omw'iguru akagamba ati, ‘Tema omuti ogwo ogumareho; kyonkai ensibu yagwo n'emizi yagwo otagisindura, eikare ekomirwe ekyoma n'omulinga esigare ezingoirwe obunyasi bubisi, orume rumumagalikire, alye obunyasi nk'enyamaishwa emyaka mushanju.’

Danieli 7:16

Nagoba omuntu omoi ahali balinya ababaire bemeleireho, namubaza enshonga y'ebyo nabona byona. Kityo yanshoborora enshonga yabyo.

Danieli 7:23

“Omuntu ogwo owo nabalize, angambira ati, ‘Enyamaishwa ya kanai, neshura Omukama wa kanai omu nsi. Omukama ogwo, talishushana na Mukama ondijo wena wena. Aliita ensi yona omwebura, atere abantu emigere, abaite kayaba.

Danieli 9:27

Omukama mubi ogwo alitwara amahanga gangi emyaka mushanju. Kyonkai orwo elikyaho emyaka eshatu n'enusu, alitanga abantu kutamba ebitambo n'okuhonga ebihongo. Abanyamahanga baliteka Eihano Nyabuhano ahali altare omuli Rwensinga, likareho kulemwa kugoba orwo omuntu aliba alitaireho alisilika nk'okwo Ruhanga yamuhangiire.”

Zekaria 1:19

Mbaza omumalaika owo nabaire ninfumora nawe nti, “Biki ebi?” Amporora ati, “Aga nigo mahembe aganaganagiire Yuda Isiraeli na Yerusalemu.”

Zekaria 14:5

Oruhanga orwo omugati y'amabanga gange nimwo mulisingirwa mukarwijura, nangu n'omwanya gukaburamu, kulemwa kugoba Yasoli, nk'okwo babaire barwijwire aha rw'omusisi omu makiro g'Omukama Uzia owa Yuda. Nirwo Omukama Ruhanga wanyu alija n'abamalaika bona.

Matayo 11:27

Ebintu byona Tata akabintunga; mara taliho amanya Mwana shana Ishe, kandi na Ishe taliho amumanya shana Mwana n'owo Mwana agonza kushurulira.

Matayo 24:15

“Kamulibona eihano nyamwita, ely'omurangi Danieli yagambire, lyemeleire ahatakatifu (alikushoma ashobokerwe),

Mariko 13:14

“Kyonkai kamulibona eihano nyamwita balitaire mbali litasaine kugya (omushomi ashobokerwe), aho aba Buyahudi basingirwe omu mabanga.

Luka 10:22

Tata ankwasize buli kantu. Kandi taliho alikumanya Mwana ab'ohai, shana Tata. N'ow'okumanya Tata ab'ohai shana Omwana n'owo Mwana aronka kumushurulira ekigambo eki.”

Luka 21:20

“Kyonkai orwo mulibona Yerusalemu yabundwa amahe, mumanye okwo yakambuka.

Luka 21:24

Baliitwa embanda, batwarwe endore, bahwere omu mahanga gona. Yerusalemu elikandagilirwa abanyamahanga kuhika mbali balyelekelera.

Yohana 1:18

Taliho muntu n'omoi araboine Ruhanga; shana Omwana omumoi omugonzibwa muno ahali Ishe, n'iwe yamanyisize Ruhanga ogwo omu bantu.

Obwijukiro 33:2

Akabagambira ati, “Omukama akaruga Sinai, yatushamukira ayemire Seiri, yashamura ayemire omw'Ibanga lya Parani, akaba aina abamalaika enkumi ikumi, n'omuliro gulikurabagira aha mukono gwa bulyo.

1 Abatesalonika 3:13

Aho arabagumisa mube nyakatetere omu kwitanira obutakatifu omu mabona ga Ruhanga waitu mara Isheichwe orwo Omukama waitu Yesu alihabuka n'abatakatifube bona.

Abaheburania 10:29

Lero aho nimulenga muti omuntu alikwanga bwanga Omwana wa Ruhanga, akahagaza obwamba bw'endagano obwamurokoire, akajuma na Mwoyo omugizi w'ekisha, talibona kibonabonyio ekili kibi kushaaga?

1 Petero 1:12

Bakashuruliwa bamanya okwo omulimo gw'oburangi babaire batalikugukora aha bwabo; bakaba nibagukora aha bwanyu, baranga amakuru ago mwagambiirwe ababarangiire evangeli omu mani ga Mwoyo Mutakatifu owo mwatwekeirwe kuruga omw'iguru, amakuru ago abamalaika bagonza kubona.

Judi 1:14

Aba nibo Enoki ow'omuzarwa gwa mushanju kwema ahali Adamu yarangire ati, “Omukama aizire n'amahe g'abamalaika batakatifu,

Okushurulirwa 11:2

Kyonkai nyarubuga ya Rwensinga otagipima; ogileke, ahakuba egyo bagihaire abanyamahanga, abalikwija kukandagilira Ekigo Kitakatifu emyezi 42.

Okushurulirwa 6:10

Bataka n'eiraka lihango bati, “Waitu Mukama Omutakatifu nyamutaiganwa rugamba mazima, abantu b'omu nsi abatwisire nobaramura maki kutweholera?”

Abaramuzi 13:18

Omumalaika w'Omukama amugambira ati, “Kubaki nobaza eibara lyange? Leka, ly'okutangaza!”