Danieli 7:4 - Ebibulia 2001

⁴ Ekigunju kya mbere kikaba nikishusha entare kandi kiina amapapa nk'enkwaju. Kanabaire ndiho nkihangire amaisho, kikunyuka amapapa kiimuka, kyemelezibwa kisimba amaguru nk'omuntu, kyashuba kandi kyahabwa amagezi nk'ag'omuntu.

Danieli 7:4 Iomraidhean Croise

2 Samweli 1:23

Shauli na Yonatani babaire bali barungi nibagonzibwa! Omu burora n'omu kufa tibataishukaine; babaire barahuka kushaga enkwaju, amani nibakira entare.

Yobu 25:6

Lero omuntu ekishukwinu, omuntu alikushusha enzito!”

Ezaburi 9:20

Ogatinise, waitu Mukama! Bamanye okwo bali bantu kushai!

Yeremia 25:38

Omukama abantube yabaihyamu emikono nk'okwo entare enagaho empako yayo. Ensi egyo embanda y'omubisha n'ekiniga kibi ky'Omukama bigihindwire ndara.”

Yeremia 4:13

Leba, omubisha airukire nk'ebichwi. Amagalige gairukire nk'akazimu, kandi efarasize okwanguha zashagaho enkwaju. Zatulya, twafa!

Yeremia 4:7

Entare yajumbukire omu kishaka kyayo, omwisi w'amahanga yaimukize; yarugire owabo kwija kwita ensi yanyu omwebuura. Ebigo bya Yuda birasigara amatongo, kandi tibiturwemu muntu.

Yeremia 48:40

Omukama nagamba ati, “Haliho alikuharara muno nk'enkwaju, nashandaza amapapa kutera Moabu.

Yeremia 49:19

Nk'okwo entare ejumbuka omw'irungu lya Yorudani, ekatera obuhyo bw'entaama obugumire, nikwo nanye Edomu ndigitera ekibandagara, abantu bakagituntumukamu bakairuka. Kandi wena wena owo ndyerondera n'iwe nditaho kutwara ensi egyo. Alikushusha inye n'ohai? N'ohai ow'okunyatukilira? Ni mutwaziki ow'okungya omu kaso?

Okutongya 4:19

Ababaire batubingire, emyanguhire bakaba nibashaga amahungu, bakaba batubingira omu mabanga, batuzimbira omw'irungu.

Ezekieli 17:3

Omukama Ruhanga nagamba ati: Enkwaju mpango ey'amapapa gahango n'ebishanda biraibirai ebiina erangi zingi ekaruga Lebanoni yatera akatwetwe k'omuelezi.

Ezekieli 28:2

“Iwe mwana w'omuntu, ogambire omukama wa Tiro oti, Omukama Ruhanga nagamba ati: Orwo ogira eikuru, okeyeta ruhanga, nogamba okwo oshuntamire aha nketo ya baruhanga omu nyanja engundu, kandi okwo oli muntu, toli ruhanga n'orwo olikutekeleza kuba mumanyi nka ruhanga,

Ezekieli 28:9

Oraba okyagambira abakwisire okw'oli ruhanga, n'orwo oli muntu, otali ruhanga, oli omu mikono yabo nibakwita?

Danieli 2:38

yamara yakukwasa abantu bona mbali baraba batura, yakutunga ebigunju n'ebinyonyi, yakuhindura Mukama wabyo byona. Iwe n'iwe mutwe gw'ezahabu.

Danieli 4:36

“Nigo makiro gonene gonene orwo nashubire kugira amagezi, nirwo engoma yange n'ekitinwa n'oburungi bwayo n'obukama bwange byangarukiire. Abaramata bange n'abami bangarukaho, aho engoma yange eguma, ngira ekitinwa ekishagireho.

Danieli 7:12

Ebigunju ebyasigaireho babyaka obukuru, kyonkai tibabita, baba bakyabilekireho akabanga akandi.

Danieli 7:5

Nshuba mbona ekya kabili, ekyo kikaba nikishusha edubu. Kiimuka orubaju rumoi, omu maino kiinamu amagufa g'embanda gashatu. Kigambirwa kwimuka kulya enyama nyingi.

Matayo 24:28

Mbali omutumbi guli, niho na kagoma zeshombokeza.”

Obwijukiro 28:49

Omukama aliihya eihanga harai muno libatabalire, obwangu nk'okwo malere eharara, eihanga elyo mutalikushobokerwa rulimi rwalyo,

Okushurulirwa 13:2

Ekikaaka ekyo naboine ekyo kikaba nikishusha engoi, amaguru oti g'edubu, omunwa oti gw'entare. Ekinyamugenge kiha ekikaaka ekyo amani gakyo, n'obukama n'obushobora bungi.