Danieli 7:1 - Ebibulia 2001

¹ Guli mwaka gwa mbere Belishaza Omukama wa Babiloni alire engoma, Danieli agya arota ekiroto, omu kiroto omwo abonekerwa abyamire aha kitanda. Ahanyuma ahandika ekiroto ekyo, yashuba yakishoborora omu bigambo bigufi.

Danieli 7:1 Iomraidhean Croise

Embandizo 15:1

Ebyo kabyahoire, Omukama agambira Aburamu omu kubonekerwa ati, “Aburamu otatina, inye ndi ngabo yawe; emperwa yawe eliba nyingi.”

Embandizo 46:2

Ruhanga amubonekera omu kiro amweta ati, “Yakobo, Yakobo.” Isiraeli ayetaba ati, “Kaboneke, Rugaba!”

Yobu 4:13

Mbali abantu baanagilira oturo otw'aha nshazi, nkarota ekiroto ky'enyahwalinga.

Isaya 30:8

Mbwenu ogende ohandike ebigambo ebi aha mbengo, obihandike n'omu kitabo, buliba bujulizi bw'ebiro byona, omu makiro agalija.

Isaya 8:1

Aho Omukama yangambira ati, “Kwata ekishate kihango ky'eibare, okihandikeho omu nyuguta zihango oti, ‘Ebya Maherishalalihashibaazi.’ ”

Yeremia 23:28

Omurangi araba aina ekiroto, ekiroto abe nikyo arotorora. Kandi owo ndaba ndagiire ekigambo kyange, ekigambo kyange ekyo akigambe n'obwesigwa. Omushunga nigushaga engano?

Yeremia 27:7

Amahanga gona galimukolera, gakolere n'omutabani n'omwijukuru kuhika orwo engomaye eligoba aha kukambuka; nirwo amahanga gangi n'abakama b'amani balimuhindura mwiru wabo.’ ”

Yeremia 36:32

Aho nkwata ekitabo ekindi nkiha Baruku omuhandiki, mugambira nahandika byona eby'ekitabo ekyo Yehoyakimu omukama wa Yuda yayokize. Nshuba nyongeraho ebindi ebyab'ebyo.

Yeremia 36:4

Aho nyeta Baruku eya Neria, mugambira byona ebyo Omukama yabaire angambire, abihandika omu kitabo.

Ezekieli 1:1

Aha kiro kya katanu ky'omwezi gwa kanai, omu mwaka gwa 30, orwo nabaire nintura n'abazahe aha mwiga gwa Kebari, eiguru likinguka, Ruhanga ambonekera.

Ezekieli 40:2

Omu kubonekerwa okwo Ruhanga akangobya omuli Isiraeli, yampumuza aha ibanga lirai lirai muno. Omu maisho gange mbona amaju nigashusha ekigo.

Danieli 1:17

Abasigazi abo banai Ruhanga abasingira bamanya okuhandika kurungi bagira n'obumanyi. Okubonekerwa kwa buli ngeli n'ebiroto, Danieli yabishobokerwaga.

Danieli 2:1

Omu mwaka gwa kabili Nebukadineza agiire aha ngoma, arota ebiroto. Ebiroto ebyo bimubangaranisa, oturo tubura.

Danieli 2:26

Omukama abaza Danieli ayayetwaga Beliteshaza ati, “Iwe noshobora kungambira ekyo ndosire n'enshonga yakyo?”

Danieli 4:13

“Ebindi ebyo mboine mbyamire niby'ebi: Mboine omulinzi omutakatifu, yaija naruga omw'iguru.

Danieli 4:5

Ekiro kimoi ngya ndota ekiroto ekilikutinisa. Kanabaire ndi aha kitanda mbyamire mbona eby'okunkangaranisa.

Danieli 5:1

Omukama Belishaza akolera abashaijabe enkumi obugenyi buhango. Anywa nabo edivai.

Danieli 5:22

Naiwe omutabani Belishaza noyetungunika n'orwo ebi abaire ali sho alikubimanya;

Danieli 5:30

Kir'ekyo omw'itumbi Omukama Belishaza ow'Abakalidayo bamwita.

Danieli 7:13

Omu kubonekerwa kwange oku kw'omw'itumbi, Nkabona alikushusha omuntu, yaletwa omu bichwi, yagoba aha Mugurusi Nyamukuru, bamuteka omu maisho g'omugurusi ogwo.

Danieli 7:15

“Kyonkai inye, Danieli, ebyo nabonekeirwe bikantinisa, byanyita kubi muno.

Danieli 7:7

“Nkyali omu kubonekerwa okwo mbona ekigunju kya kanai, kiina amani gangi muno, mara nikitiinisa kubi. Kikaba kiina elino lihango ly'ekyoma. Kikatakatura ebyo kyaita, kandi ebyasigaraho kibitera emigere! Ebigunju ebishatu ebya mbere kikaba kitalikubishusha. Kyonene kikaba kiina amahembe ikumi.

Danieli 8:1

Omu mwaka gwa kashatu Omukama Belishaza aliire engoma, inye Danieli ngya mbonekerwa omurundi gwa kabili.

Yoeli 2:28

Omukama nagamba ati, “Ahanyuma abantu bona ndibaha Mwoyo wange. Batabani banyu na bahara banyu baliranga. Abagurusi omuli inywe balirota ebiroto, n'abasigazi banyu babonekerwe.

Amosi 3:7

Omukama taina ky'akora atabandize kusherulira bairube abarangi enamaye.

Habakuki 2:2

Omukama akamporora ati, “Handika ebyo wabona omu kubonekerwa kwawe; mara obihandikege aha mbengo z'amabare, arabishoma ashobore kubishoma bwangu.

Orubara 12:6

Abagambira ati, “Muhulire ebyo naija kugamba. Kamuraba mwina omurangi, inye Omukama n'inye mubonekera nkamwemanyisa, nkafumora nawe omu kiroto.

Abaroma 15:4

Nobona ebyakahandikirwe obwa karai bikahandikwa kwegesa ichwe tubone kugira eshubi aha rw'enshonga y'Ebihandiko Bitakatifu kutugumisa n'okututamu ekihika.

2 Abakorinto 12:1

Kanyebuge, n'orwo okwebuga kuraba kutaina mugasho. Kyonkai ebyo nabonekeirwe n'ebyo Omukama yanshuruliire nimbigamba.

Okushurulirwa 1:19

Mbwenu eby'olikubona obihandike: Ebiliho n'ebilikwija kubaho ahanyuma.

Okushurulirwa 10:4

Enkuba ezo mushanju kazabaire zasharukire, nkaba naija kuhandika, aho mpulira eiraka lyemire omw'iguru niligamba liti, “Eby'enkuba mushanju zagamba obikomese omuhuri otabihandika.”