Danieli 6:8 - Ebibulia 2001

⁸ Mbwenu waitu Mukama, oteho omuku, oguteho omukono gwawe gutahindurwa, nk'okwo omuku gw'Abamedi n'Abaperisi gutahindurwa.”

Danieli 6:8 Iomraidhean Croise

Esita(Hebrew) 1:19

K'oraba noyenda oragire kihandikwe omu mateka g'Abaperisi n'Abamedi, kitalihinduka, okwo Vashiti atalija rundi mu maisho gawe. Ekitinwakye ky'obukama okihe mukazi ondijo alikumushaga; omushwere.

Esita(Hebrew) 3:12

Aho aha kiro kya ikumi na bishatu ky'omwezi gwa mbere beta abahandiki b'Omukama. Omuku guhandikwa nk'okwo Hamani yaragiire. Baguhandikira abagavana bona abatwaraga buli mukoa n'abatwazi b'amahanga gona, buli mukoa omu mihandikire yagwo, na buli ihanga omu rulimi rwalyo. Baguhandika omw'ibara ly'Omukama Ahasuero, bagumaamisa empetaye.

Esita(Hebrew) 8:10

Ebarua zihandikwa omw'ibara ly'Omukama Ahasuero, bazimaamisa empetaye. Bazitweka abatarishi bakuubire efarasi ezilikwiruka muno ezakoraga emilimo y'Omukama, zizairwe efarasi ez'Omukama wenene.

Esita(Hebrew) 8:3

Aho Esita ashuba agambira Omukama; amugwa omu maguru nalira, amutagiliza kutahondera kigambo kya Hamani Omuagagi, kwita Abayahudi.

Esita(Hebrew) 8:8

Mbwenu nainywe muhandikire Abayahudi omw'ibara lyange nk'okwo mulikwenda, mugimaamise empeta yange. Kuba omuku oguhandikirwe omw'ibara ly'Omukama, bakagimaamisa empetaye tigwakuhindurwa.”

Ezaburi 94:21

Bema hamoi kwita omugorogoki, nyakatetere bamuramura kumwita.

Isaya 10:1

Zabalya abataho emiku etagorogokire, n'abahandiki abahandika eby'okushasa banu.

Danieli 5:28

PERESI nikwo kugamba ‘omubeganuko’. Obukama bwawe bubeganukire omugati bwatwarwa Abamedi n'Abaperisi.”

Danieli 6:12

Bashubayo, babigambira Omukama, bamwijukya omuku gulinya, bati, “Waitu Mukama, tiwataireho mukono muku ogulikugamba okwo omuntu wena wena arashaba ahali ruhanga wena wena anga omuntu wena wena omu biro 30 atashabire ahali iwe, waitu Mukama, bamunage omu rwina rw'entare?” Omukama abahorora ati, “Omuku ogwo nikwo guli. Omuku ogwo gwina amani nk'okwo emiku y'Abamedi n'Abaperisi etahinduka.”

Danieli 6:15

Aho abashaija abo basikuka baija aha Mukama bagamba bati, “Rugaba, omanye. Omuku gw'Abamedi n'Abaperisi tiguhinduka kagwatairweho omukono gw'Omukama.”

Matayo 24:35

Eiguru n'ensi bilichweka, kyonkai ebigambo byange tibilichweka.”