Danieli 6:10 - Ebibulia 2001

¹⁰ Danieli kayabimanyire akamanya okwo omuku gwahandikwa gukatebwaho omukono, agenda omwe omu gorofa aha madirisha agabaire golekeire Yerusalemu gakingwirwe. Danieli Ateka amajwi ashoma enshara emirundi eshatu buli kiro, asiima Ruhanga nk'okwo yagiraga.

Danieli 6:10 Iomraidhean Croise

1 Abakama 8:30

Singa ohulire okutaka kw'omwiru wawe n'okw'abantu bawe ba Isiraeli, kabarashomaga enshara bolekeire omwanya ogu. Singa oyeme omw'iguru omu businge bwawe, otuhulire; mara orw'orakatuhuliraga otuganyire.

1 Abakama 8:38

enshara n'okutaka okw'omuntu wena wena anga eihanga lyona lyona lya Isiraeli lilitaka, buli omoi akemanya enakuze, k'aliimukya emikonoye agyolekeize Rwensinga egi,

1 Abakama 8:44

“Kandi abantu bawe kabaratabaliraga ababisha babo, omu ngeli yona yona eyo iwe orabatwekaga, bakashoma enshara bolekeire ekigo ekyo waronkire na Rwensinga eyo nkwombekeire,

1 Abakama 8:54

Ka Solomoni yamazire kushoma enshara aha Mukama n'okumutakira, aimuka aruga omu maisho ga ealutare y'Omukama, mbali yabaire atekire majwi, aimukize emikonoye eiguru.

2 Amakuru 6:13

Akashangwa akozire ekituuti ky'omulinga, oburai bwakyo mita 2 n'okushagamu, obukika mita 2 n'okushagamu, n'obwemi mita 1 n'okushagamu, akita nyakabuga akyemeleraho. Ateka amajwi enteko yona ya Isiraeli eli aho, aimukya emikono,

2 Amakuru 6:38

omu buzahe okwo kabalyechuza n'amagezi gabo gona n'omutima gwabo gwona, bakashoma enshara balebire ensi yabo eyo watungire baishebo, n'ekigo ekyo waronkire, na Rwensinga eyo nkwombekeire,

Ezira 9:5

Aha izoba ly'ekitambo kya bwaigoro nyimuka nduga mbali nabaire nsiibire, ebijwaro byange n'ebebo yange bitagwire, mbutama ahansi ntekire amajwi, nyanjulira Omukama Ruhanga wange engaro ningamba nti,

Nehemia 6:11

Kyonkai ngamba nti, “Omushaija nkanye nyiruke? Mushaijaki nkanye ayakusingirwa Rwensinga ngu batamwita?”

Ezaburi 34:1

Ndasingizaga Omukama ebiro byona; tindilekera kumuhaisiliza.

Ezaburi 5:7

Kyonkai inye aha rw'obungi bw'ekisha kyawe, nditaha Rwensinga yawe, nfukame nyolekeire Rwensinga yawe entakatifu, ninkuha ekitinwa.

Ezaburi 55:17

Bwaigoro na bwankya n'omw'ihangwe, ninchura nimboroga, alihulira eiraka lyange.

Ezaburi 86:3

Waitu Mukama bangilire ekisha, Kuba n'iwe ndikusiba nintakira.

Ezaburi 95:6

Mwije tubandame tumufukamire, tubandamire Omukama Omutonzi waitu!

Danieli 6:13

Bahorora Omukama bati, “Danieli olinya, omoiho w'embohe abarugire Buyuda talikukuhulira. Talikufaho muku ogwo wataireho omukono gwawe, nawe nashoma enshara emirundi eshatu buli kiro.”

Danieli 9:4

Nshaba ahali Mukama Ruhanga wange ogwo, nimutonganaho nti, “Waitu Mukama Ruhanga omuhango ow'ekitinwa kingi muno, iwe atachwa ndagano okashuba okagilira ekisha abakugonza nibekomya emihango yawe,

Yona 2:4

Aho nagamba nti, ‘Rwona wanchwa, Rwensinga yawe entakatifu tindishuba kugibona.’

Mariko 3:3

Yesu ayeta omushaija ogwo ayabaire akokosire omukono ati, “Ija kunu.”

Luka 14:26

“K'omuntu aramponderaga atanobire ishe anga nyina anga mukaziwe anga abaana anga barumuna anga banyanya, nangu n'oburorabwe, ogwo tiyakuba mwegesibwa wange.

Luka 22:41

Abarugaho akatambi akasaine mbali wakurasha eibare likagoba, abandama, ashoma enshara ati,

Ebikorwa 10:9

Bukeire nibagenda, kababaire baija hai n'ekigo, Petero atemba aha rushwi rw'enju kushoma enshara; zikaba zili saa nka mukaaga.

Ebikorwa 2:15

Kuba abantu aba tibatamiire nk'okwo mulikutekeleza. Mbwenu aha saa ishatu za bwankya.

Ebikorwa 20:24

Tindikulenga nka burora bwange ahali inye buli bw'eiguzi. Ekyo ndikwenda kili kimoi: Kugobesheleza omulimo gwange n'eikora ely'Omukama Yesu yankwasize, kujulira evangeli elikugamba aha kisha kya Ruhanga.

Ebikorwa 20:36

Kayamazire kugamba atyo ateka amajwi, ashoma enshara nabo.

Ebikorwa 21:5

Ebiro byaitu bya Tiro kabyahoire, tugendelera n'orugendo rwaitu. Bona, n'abakazi babo n'abaana babo, batushendekeleza batuturukya omu kigo. Aha mwaro tubandama tushoma enshara, turagangana.

Ebikorwa 3:1

Ekiro kimoi esaa mwendai za bwamushana, Petero na Yohana bashangwa nibagya Rwensinga, eli saa y'okushomeraho enshara.

Ebikorwa 4:29

Mbwenu Mukama, singa obone okwo balitutinisa kubi, oshube ichwe abairu bawe otushoboze kugamba evangeli yawe tumanzaliire kimoi.

Ebikorwa 5:20

“Mugende Rwensinga mwemelere mugambire abantu ebigambo by'oburora obu.”

Ebikorwa 5:29

Kyonkai Petero n'entumwa ezindi bahorora bati, “Turagiirwe kuhulira Ruhanga kushaaga okuhulira abantu.

Ebikorwa 7:60

Abandama, ataka n'eiraka lihango ati, “Mukama, singa obagarulire entambara egi.” Kayamazire kugamba atyo, omwoyo guhwamu.

Ebikorwa 9:40

Kyonkai Petero aturukya entumbwa zona, abandama, ashoma enshara. Ashuba ahindukira omutumbi agamba ati, “Tabita, imuka.” Tabita aburura; kayamazire kubona Petero, ashuntama.

Abaefeso 3:14

Niyo nshonga nimbandama omu mabona ga Isheichwe,

Abafilipi 1:14

Kandi n'abakirisito abangi muno bagizire amani g'okwesiga Omukama aha rw'okufungwa kwange, kandi bamalize kushaagaho, nibagamba ebigambo bya Ruhanga batalikutina.

Abafilipi 1:20

Nyina eshubi mpango okwo ntasingwe nkashonara. Nka mbali nkatulira ninyija kumanzara muno, inyena okwo nkali, ndikarora anga ndikafa, ninyija kuhaisa Kirisito ekitinwa.

Abafilipi 4:6

Ekintu kyona kyona kitabalya mwoyo. Ekiliho omuli buli kantu mumanyise Ruhanga ebyetago byanyu nimushoma enshara, nimutaka mara nimusiima.

Abakolosai 3:17

Ekyo murakakoraga kyona kyona, kibe kigambo anga kikorwa, mukikorega omw'ibara ly'Omukama Yesu, nimusima Ruhanga Isheichwe mumutaireho Kirisito.

Abaheburania 13:15

Mbwenu tweme na Yesu tutambire Ruhanga ekitambo ky'okumusingiza, nikyo kitambo ekilikugirwa abantu abalikumwebuga okwo n'iwe aba Mukama.

Abaheburania 4:16

Tugiire nu obwesige, tugye aha nketo ya Ruhanga mbali ekisha kisingiire, tugende atuganyire, atugilire n'ekisha ky'okutujuna omu bwetage bwaitu.

Okushurulirwa 2:10

Obushasi bw'olikwija kubona otabutina. Omuli inywe halimu abo Sitani araliire kunaga jela, mubone kulengwa, mara omu biyengo ebyo muramaramu ebiro 10. Obe mwesigwa, k'oraba nofa ofe, inye ndakuha orukinga rw'oburora.

Okushurulirwa 2:13

‘Mbali otura nimpamanya, niyo enketo ya Sitani eli. Inye nomanya kandi okanyebuga omu makiro ga Antipasi omujulizi wange, omwesigwa wange, owo baitiire omuli inywe omu bukiro bwa Sitani.