Danieli 5:3 - Ebibulia 2001

³ Baleta ebikwato ebyo eby'ezahabu n'efeza ebyabaire birugire omu Rwensinga niyo nyaruju ya Ruhanga eli omuli Yerusalemu. Omukama n'abami, n'abakazibe, n'ensholekeze babinyweramu.

Danieli 5:3 Iomraidhean Croise

2 Amakuru 36:18

Ebikwato bya Rwensinga byona na bike na bihango, n'eitunga lyamwo lyona, n'ely'omu kikare, byona ebyo akabitwara Babiloni nangu n'abaramata babulimu.

Isaya 5:14

Aha rw'ekyo Sheoli amairu nigagiita, eyashamwire enshaya yazimarayo, abakunirwa ba Yerusalemu, embaga ya nyamutaba, nibasongoka bagiire omwo, abantu b'ekitinwa aba Yerusalemu n'akagonza ekigo ekyo.

Yeremia 50:28

“Hulira barugire Babiloni bairukire, kugamba omuli Sioni okwo Omukama Ruhanga waitu yayehoroza Abakalidayo ahakuba bakakambura Rwensingaye.”

Danieli 5:2

Kayamazire kurozaho aragira balete ebikwato by'ezahabu n'efeza ebyo Nebukadineza ishe yanyagire omuli Rwensinga Ya Yerusalemu, abileta kubinyweramu wenene n'abamibe, n'abakazibe, n'ensholekeze.

Danieli 5:23

Ogizire eikuru wajeemera Omukama ow'omw'iguru; bakuletera ebikwato bya Rwensingaye wabinyweramu edivai, iwe n'abami bawe n'abakazi bawe, n'ensholeke zawe. Mwasingiza ebishushani bya baruhanga abakozirwe efeza, ezahabu, omulinga, ekyoma, omuti n'amabare, ebitabona, anga ebitahulira, anga ebitamanya. Kyonkai Ruhanga ow'oburora bwawe bwemeleireho, ogwo akwemamu omuli byona eby'okakora tomuhaire kitinwa.

Danieli 5:4

Banywa edivai, basingiza ebishushani bya baruhanga abakozirwe ezahabu, efeza, omulinga, ekyoma, omuti n'amabare.

Hosea 2:8

Tiyamanyaga okwo n'inye namuhaga engano, edivai n'amajuta, n'efeza n'ezahabu, ezo yakozaga kufukamira Baali.

Habakuki 1:11

Ahanyuma baihya nk'omuyaga bahingura, bantu babi, amani gabo bakagahindura ruhanga wabo!

Malaki 1:12

Kyonkai inywe nimunkunukuruza, nimugira ngu orwo mulikuhagaza alutare yange, mugihongeho n'ebyakulya ebilikuzira.

1 Abatesalonika 5:3

Orwo abantu baliba nibagamba bati, “Milembe, taliho kabi,” nirwo akabuta kalibatera kibandagara nk'okwo ebisha bikwata omukazi w'enda, mara tibaliiruka.

Abaramuzi 19:1

Omu biro orwo omuli Isiraeli habaire hatalimu mukama, Omulevita omoi ayabaire afurukiire omu mparo z'amabanga ga Efuraimu, ashwera ensholeke agihya Betelehemu omuli Yuda.